Man Smokes On Flight: ఎయిరిండియా విమానంలో ధూమపానం.. అమెరికా పౌరుడిపై కేసు నమోదు

Man Smokes On Flight: ఎయిర్ ఇండియా లండన్-ముంబై విమానంలో బాత్రూమ్‌లో ధూమపానం చేసి ఇతర ప్రయాణికులతో అనుచితంగా ప్రవర్తించినందుకు అమెరికా పౌరుడిపై కేసు నమోదు చేసినట్లు ముంబై పోలీసులు ఆదివారం తెలిపారు. 37 ఏళ్ల రమాకాంత్ మార్చి 11న విమానంలో అసౌకర్యానికి గురిచేసినందుకు ముంబైలోని సహార్ పోలీస్ స్టేషన్‌లో కేసు నమోదైంది. ఐపీసీ సెక్షన్ 336 ప్రకారం ఆ వ్యక్తిపై కేసు నమోదు చేసినట్లు ముంబై పోలీసులు తెలిపారు. “విమానంలో ధూమపానం నిషేధించబడింది. కానీ అతను బాత్రూమ్‌కు వెళ్లగానే అలారం మోగడం ప్రారంభించింది. మేము అందరం బాత్రూమ్ వైపు పరిగెత్తినప్పుడు అతని చేతిలో సిగరెట్ ఉంది. మేము వెంటనే అతని చేతిలో నుండి సిగరెట్ విసిరాము. ఆపై రమాకాంత్ సిబ్బందిపై అరవడం ప్రారంభించాడు. మా సిబ్బందిపై అరుస్తుండగా.. ఎలాగోలా అతడిని తన సీట్‌కి తీసుకెళ్లాం.కానీ కొంతసేపటి తర్వాత విమానం తలుపు తీయడానికి ప్రయత్నించాడు.అతని ప్రవర్తన చూసి ప్రయాణికులంతా భయపడ్డారు. మేము అతనిని ఆపడానికి ప్రయత్నించాం. కానీ అతను ఇంకా ఎక్కువ చేశాడు. దీంతో మేము అతని చేతులు, కాళ్లు కట్టి సీటుపై కూర్చోబెట్టాము” అని ఎయిర్ ఇండియా సిబ్బంది సహర్ పోలీసులకు తెలిపారు.

Read Also: Public Swimming Pool: ప్రభుత్వం పర్మిషన్ ఇచ్చింది.. ఇక టాప్ లేపేయండి

“ప్రయాణికులలో ఒక వ్యక్తి వైద్యుడు. అతను వచ్చి అతనిని తనిఖీ చేసాడు. అప్పుడు రమాకాంత్ తన బ్యాగ్‌లో మందులు ఉన్నాయని చెప్పాడు, కానీ మాకు ఏమీ కనిపించలేదు, అయితే బ్యాగ్‌ని తనిఖీ చేయగా ఒక ఇ-సిగరెట్ బయటపడింది” అని పోలీసులు తెలిపారు. విమానం ల్యాండ్ అయిన తర్వాత ప్రయాణికుడు రమాకాంత్‌ను సహర్ పోలీసులకు అప్పగించారు. అతడిని అదుపులోకి తీసుకుని ఐపీసీలోని పలు సెక్షన్ల కింద కేసు నమోదు చేశారు. నిందితుడు భారతీయ సంతతికి చెందినవాడని, అయితే అమెరికా పౌరుడు, అమెరికా పాస్‌పోర్ట్ కలిగి ఉన్నాడని పోలీసులు తెలిపారు. నిందితుడు మద్యం మత్తులో ఉన్నాడా లేక మానసిక క్షోభకు గురయ్యాడా అనే విషయాన్ని నిర్ధారించేందుకు వైద్య పరీక్షల కోసం నిందితుడి నమూనాను పంపామని పోలీసులు తెలిపారు. మరిన్ని వివరాలు తెలియాల్సి ఉంది.