Mamitha Baiju: ‘ప్రేమలు’ బ్యూటీ మమితా బైజూకు మరో ఆఫర్.. హీరో ఎవరంటే?

Is Mamitha Baiju In Pradeep Ranganathan Next Movie: ‘ప్రేమలు’ చిత్రంతో యువతరం హృదయాలను మలయాళీ సోయగం మమితా బైజు దోచుకున్నారు. తన అందం, అభినయంతో ప్రేక్షకుల్ని మెప్పించారు. ప్రేమలు చిత్రం మలయాళంలో పాటు తమిళం, తెలుగులోనూ అనువాదం అయ్యి సూపర్‌ హిట్‌ అయ్యింది. దాంతో మమితాకు వరుసగా అవకాశాలు వస్తున్నాయి. తెలుగులో విజయ్‌ దేవరకొండ సరసన ఛాన్స్ కొట్టేసినట్లు తెలుస్తోంది. తాజాగా మమితాకు మరో ఆఫర్ వచ్చినట్లు సమాచారం.

‘రెబల్‌’ చిత్రంతో కోలీవుడ్‌లో మమితా బైజు పరిచయం అయ్యారు. జీవీ ప్రకాష్ కుమార్ ప్రధాన పాత్రలో వచ్చిన ఆ చిత్రం పెద్దగా ఆడలేదు. అయినప్పటికీ కోలీవుడ్‌లో మమితాకి మరో అవకాశం వరించిందట. యువ నటుడు, దర్శకుడు ప్రదీప్‌ రంగనాథన్‌ సరసన మమితా నటించానున్నారట. ప్రముఖ టాలీవుడ్‌ నిర్మాణ సంస్థ నిర్మించనున్న చిత్రంలో ప్రదీప్‌ హీరో కాగా.. ఆయనకు జంటగా మమితా ఎంపిక అయినట్లు సమాచారం. ఈ సినిమాకు సుధా కొంగర శిష్యుడు కీర్తీశ్వరన్‌ దర్శకత్వం వహించనున్నట్లు తెలుస్తోంది. దీనికి సంబంధించిన అధికారిక ప్రకటన త్వరలో వెలువడే అవకాశం ఉందని సమాచారం.

Also Read: Deepika Padukone: దీపికా పడుకోణెకు అరుదైన గౌరవం!

‘కోమాలి’ చిత్రంతో ప్రదీప్‌ రంగనాధన్ దర్శకుడిగా పరిచయం అయ్యారు. ఆ సినిమా భారీ హిట్‌ కొట్టింది. ‘లవ్‌టుడే’ చిత్రంతో ప్రదీప్‌ హీరోగానూ రంగప్రవేశం చేశారు. డైరెక్టర్, హీరోగానూ ఆయన సూపర్‌ హిట్‌ కొట్టారు. ప్రస్తుతం ఎల్‌ఐసీ, డ్రాగన్‌ చిత్రాల్లో హీరోగా నటిస్తున్నాడు. ఈ రెండు సినిమాల అనంతరం కీర్తీశ్వరన్‌ దర్శకత్వంలో ప్రదీప్‌ నటించనున్నారట.