బడ్జెట్ 2026 బంగారం పెట్టుబడిదారులకు కీలక పన్ను మార్పులను ప్రతిపాదించింది. సావరిన్ గోల్డ్ బాండ్స్ (SGBs) పై అందుబాటులో ఉన్న మూలధన లాభాల పన్ను మినహాయింపులను స్పష్టం చేసి పరిమితం చేయాలని ప్రభుత్వం నిర్ణయించింది. ఈ బాండ్లను రిజర్వ్ బ్యాంక్ ఆఫ్ ఇండియా (RBI) జారీ చేస్తుంది. వాటి ధర బంగారం ధరతో ముడిపడి ఉంటుంది. ఇప్పటివరకు, ఒక పెట్టుబడిదారుడు SGBని మెచ్యూరిటీ వరకు కలిగి ఉంటే, రిడెంప్షన్ తర్వాత వచ్చే మూలధన లాభాలు పన్ను రహితంగా ఉండాలనే నియమం ఉంది. ఇది పెట్టుబడిదారులకు స్పష్టమైన ప్రయోజనాన్ని అందించింది. వారు బాండ్లను జారీ సమయంలో నేరుగా కొనుగోలు చేసినా లేదా తరువాత మార్కెట్ నుండి కొనుగోలు చేసినా ఇది వర్తిస్తది. కానీ సెకండరీ మార్కెట్ నుండి కొనుగోలు చేసిన SGBలు కూడా అదే పన్ను ప్రయోజనాలకు అర్హులు అవుతాయా లేదా అనే దానిపై చట్టంలో అస్పష్టత ఉంది. విభిన్న వివరణల కారణంగా గందరగోళం కొనసాగింది.
Also Read:BCCI Budget 2026-27: టీం ఇండియా బడ్జెట్.. బీసీసీఐ ఖజానాలోకి వేల కోట్లు ఎలా వస్తాయంటే?
ఇప్పుడు, ప్రభుత్వం ఆదాయపు పన్ను చట్టానికి సవరణలను ప్రతిపాదించింది. కొత్త నిబంధనల ప్రకారం, SGBలను వాటి అసలు జారీ సమయంలో సబ్స్క్రైబ్ చేసుకుని, వాటిని అమ్మకుండా మెచ్యూరిటీ వరకు ఉంచుకున్న పెట్టుబడిదారులకు మాత్రమే మూలధన లాభాల పన్ను మినహాయింపు అందుబాటులో ఉంటుంది. దీని అర్థం స్టాక్ మార్కెట్ ద్వారా లేదా ఇతర పెట్టుబడిదారుల నుండి బాండ్లను కొనుగోలు చేసిన వారికి మెచ్యూరిటీ తర్వాత పన్ను మినహాయింపు లభించదు.
Also Read:Union Budget: సండే మూడ్ను.. మార్కెట్ను రెండూ నాశనం చేశారు.. నిర్మలమ్మ బడ్జెట్పై నెట్టింట విమర్శలు
కొత్త నియమం ఏప్రిల్ 1, 2026 నుండి అమల్లోకి
ఈ కొత్త నియమం ఏప్రిల్ 1, 2026 నుండి అమలు చేయాలని ప్రతిపాదించారు. 2026-27 అసెస్మెంట్ సంవత్సరం నుండి అమలులోకి వస్తుంది. దీని అర్థం భవిష్యత్తులో ట్యాక్స్ రిటర్న్లలో పెట్టుబడుల కొనుగోలు తేదీ, పద్ధతి చాలా ముఖ్యమైనదిగా మారుతుంది. ప్రభుత్వ లక్ష్యం స్పష్టంగా ఉంది. ఈ పథకం ట్రేడింగ్ కాకుండా దీర్ఘకాలిక పెట్టుబడులను ప్రోత్సహించడానికి ఉద్దేశించబడింది. అందువల్ల, పన్ను ప్రయోజనం ఇప్పుడు నిజమైన, ప్రారంభ పెట్టుబడిదారులకు మాత్రమే పరిమితం చేయనున్నారు. ఇప్పుడు SGB కొనుగోలు చేసేటప్పుడు, బంగారం ధర మాత్రమే కాకుండా కొనుగోలు పద్ధతి కూడా పన్ను ఆదాను నిర్ణయిస్తుందని పెట్టుబడిదారులకు ఇది ఒక పెద్ద సంకేతాన్నిచ్చింది.