Murari Rerelease : సెన్సేషనల్ హిట్ గా నిలిచిన ‘మురారి’ రీ రిలీజ్

Murari Rerelease : సూపర్‌స్టార్‌ మహేశ్‌బాబు పుట్టిన రోజు సందర్భంగా మురారి సినిమాను రీ రిలీజ్‌ చేశారు. మహేశ్‌బాబు బ్లాక్‌ బస్టర్‌ సినిమాల్లో మురారి కూడా ఒకటి. కృష్ణవంశీ దర్శకత్వం వహించిన ఈ సినిమాలో మహేశ్‌బాబు సరసన సోనాలి బింద్రే హీరోయిన్ గా నటించింది. అభిమానుల ఫుల్ రచ్చ చేయడంతో పాటుగా థియేటర్లులో పెళ్లిళ్లు కూడా చేసేసుకున్నారు. దీనితో ఈ సినిమాని అభిమానులు, ఆడియెన్స్ ఏ రేంజ్ లో ఎంజాయ్ చేశారో అర్ధం చేసుకోవచ్చు. ఇక ఈ చిత్రానికి మణిశర్మ అద్భుతమైన సంగీతం అందించారు. ప్రస్తుతం ఈ చిత్రం థియేటర్స్ లో మాత్రం సెన్సేషనల్ సక్సెస్ అయ్యింది. 2001లో రిలీజైన ఈ చిత్రం బ్లాక్ బస్టర్ హిట్ అయ్యింది. రీ రిలీజ్‌ లో కూడా ఈ సినిమా థియేట‌ర్‌లో హౌస్‌ఫుల్ షోల‌తో న‌డుస్తుంది. మురారి సినిమా అన్ని చోట్లా ఓ రేంజ్ లో కుమ్మేస్తుంది. ఈ సినిమా ఓవర్సీస్ లో కూడా కలెక్షన్లలో దుమ్ము లేపింది. ఆస్ట్రేలియాలో ఆల్ టైం రికార్డ్ కలెక్షన్స్ ని అందుకున్న మురారి మూవీ బాక్స్ ఆఫీస్ దగ్గర అమెరికాలో కూడా భారీ కలెక్షన్లతో దుమ్ము లేపుతోంది. అక్కడ రీ రిలీజ్ టాలీవుడ్ మూవీస్ లో రికార్డులు క్రియేట్ చేయలేదు కానీ వన్ ఆఫ్ ది హైయెస్ట్ కలెక్షన్స్ ని అందుకున్న చిత్రంగా నిలిచింది.

Read Also:Success Story: పాత బట్టలతో బొమ్మల తయారీ..ఏటా రూ. 75 లక్షల సంపాదన!

అక్కడ మురారి సినిమా ఓవరాల్ గా 44.6వేల డాలర్లకు పైగా సొంతం చేసుకోవడం విశేషం. దాంతో ఓవరాల్ గా అమెరికాలో ఆల్ టైం టాప్ 3 బిగ్గెస్ట్ కలెక్షన్స్ ని సొంతం చేసుకున్న రీ రిలీజ్ మూవీ గా నిలిచింది. ఇక మొత్తం మీద రీ రిలీజ్ అయిన మూవీస్ లో అమెరికాలో హైయెస్ట్ కలెక్షన్స్ ని అందుకున్న సినిమాలను గమనిస్తే.. సింహాద్రి సినిమా 58607డాలర్లను కొల్లగొట్టి ఫస్ట్ ప్లేసులో ఉంది. తర్వాత చెన్న కేశవరెడ్డి సినిమా 51129డాలర్లతో రెండో స్థానంలో నిలచింది. ఇక మురారీ 44627డాలర్లతో మూడో స్థానంలో ఉంది. జల్సా 37973డాలర్లతో నాలుగు, బిజినెస్ మెన్ 27390డాలర్లతో ఐదో స్థానంలో ఉన్నాయి.

Read Also:Avatar 3 : బ్రేకింగ్.. “అవతార్ 3” టైటిల్.. రిలీజ్ డేట్ వచ్చేశాయ్..