ఆ తండ్రి.. తన ఇద్దరు కూతుళ్లకు వివాహాలు గ్రాండ్గా చేయాలని భావించాడు. అందుకు తగినట్టుగా వివాహ ఏర్పాట్లు చేశాడు. పెళ్లి కార్డులు పంచాడు. బంధువుల్ని పిలిచాడు. ఇంకోవైపు వివాహ ఏర్పాట్లు కూడా చకచకా జరుగుతున్నాయి. ఇల్లంతా సందడి.. సందడిగా ఉంది. అయితే ఏమైందో ఏమో తెలియదు గానీ.. అంతలోనే ఊహించని పరిణామం ఆ కుటుంబాన్ని దు:ఖంలో పడేసింది. ఉన్నట్టుండి ఆ తండ్రికి ఛాతీలో తీవ్రమైన నొప్పి రావడంతో విలవిలలాడిపోయాడు. హుటాహుటినా కుటుంబ సభ్యులు ఆస్పత్రికి తరలించారు. అయితే ప్రస్తుతం లక్నో ఆస్పత్రిలో చికిత్స పొందుతున్నాడు. పరిస్థితి విషమంగానే ఉందని వైద్యులు తెలిపారు. అంతే తన తండ్రిని సంతోష పెట్టేందుకు ఐసీయూలోనే వివాహం చేసుకుని కోరిక నెరవేర్చారు.
ఇది కూడా చదవండి: NCERT Chief: ‘భారత్’, ‘ఇండియా’లను పాఠ్యపుస్తకాల్లో పరస్పరం మార్చుకోవాలి..
లక్నోకు చెందిన 51 ఏళ్ల సయ్యద్ జునైద్ ఇక్బాల్ తన కూతుళ్లకు ఈనెల 22న ముంబైలో వివాహం చేయాలని ఏర్పాట్లు చేసుకున్నాడు. కానీ ఇంతలోనే అతడు తీవ్ర అస్వస్థతకు గురయ్యాడు. తీవ్రమైన ఛాతీ నొప్పితో ఐసీయూలో ఉన్నాడు. వైద్యుల సూచన మేరకు.. తన తండ్రిని సంతోష పెట్టేందుకు ఆ కూతురులిద్దరూ ఆస్పత్రిలోనే పెళ్లి చేసుకోవాలని నిర్ణయం తీసుకున్నారు. దీంతో ముస్లిం సాంప్రదాయ ప్రకారం ఐసీయూలో తండ్రి ఎదుటే నికా జరిగించారు. ఆస్పత్రికి సంబంధించిన దుస్తులు ధరించి గురువారం వివాహం చేసుకోగా.. శుక్రవారం బంధువులకు విందు ఏర్పాటు చేసి ఘనంగా జరుపుకున్నారు. ఇందుకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతోంది. ఐసీయూ యూనిఫాం ధరించిన వివాహ జంటల ఫొటోలు నెట్టింట వైరల్గా మారాయి.
ఇది కూడా చదవండి: Vijay Sethupathi: హిట్ కొట్టగానే డైరెక్టర్ మారిపోయాడు.. 33 సార్లు కాల్ చేసినా లిఫ్ట్ చేయలేదు!
Unique marriage took place with simplicity and rituals in the ICU of Era Hospital, #Lucknow !
Father admitted in ICU got his daughters married in front of hi. pic.twitter.com/rFJIhRCpsK— Nuzba Amen Sheakh (@nuzzu52103) June 16, 2024
