LIK: ప్రదీప్ రంగనాథన్ ‘LIK’ సెన్సార్ కంప్లిట్..

ప్రదీప్ రంగనాథన్ గురించి పరిచయం అక్కర్లేదు తన నటన డైరెక్షన్‌తో తమిళ, తెలుగులోనూ మంచి క్రేజ్ సంపాదించుకున్నా. ఇక ఆయన లేటెస్ట్ మూవీ ‘లవ్ ఇన్సూరెన్స్ కంపెనీ’ (Love Insurance Kompany) విడుదలకు సిద్ధమైంది. ఈ సినిమాలో ప్రదీప్ సరసన ‘బేబమ్మ’ కృతి శెట్టి హీరోయిన్‌గా నటిస్తుండగా, వెర్సటైల్ యాక్టర్ ఎస్.జె. సూర్య ఒక కీలక పాత్రలో కనిపించబోతున్నారు. అనిరుధ్ రవిచందర్ అందించిన సాంగ్స్ ఇప్పటికే చార్ట్ బస్టర్లుగా నిలిచాయి. నయనతార  ఎస్.ఎస్. లలిత్ కుమార్ సంయుక్తంగా నిర్మిస్తున్న ఈ చిత్రాన్ని తెలుగులో శ్రీ పద్మిని సినిమాస్ విడుదల చేస్తోంది. అయితే తాజాగా ఈ సినిమా సెన్సార్ కార్యక్రమాలను పూర్తి చేసుకుంది.

Also Read : Kiara Advani : అమ్మనయ్యాక.. అలా మారక తప్పలేదు..

సమాచారం ప్రకారం సెన్సార్ బోర్డు ఈ చిత్రానికి U/A సర్టిఫికేట్ జారీ చేసింది. ఇక ఈ సినిమా నిడివి విషయానికి వస్తే.. 2 గంటల 36 నిమిషాలుగా మేకర్స్ లాక్ చేశారు. ఒక యూత్ ఫుల్ రొమాంటిక్ ఎంటర్టైనర్‌కు ఇది పర్‌ఫెక్ట్ రన్‌టైమ్ అని చెప్పొచ్చు. ఏప్రిల్ 10, 2026న ఈ సినిమా ప్రపంచవ్యాప్తంగా గ్రాండ్‌గా విడుదల కాబోతోంది. ప్రదీప్ రంగనాథన్ మార్క్ కామెడీ, విఘ్నేష్ శివన్ మార్క్ మేకింగ్‌తో తోడవ్వడంతో ఈ ‘LIK’ బాక్సాఫీస్ వద్ద మరో ‘లవ్ టుడే’ రేంజ్ హిట్ అవుతుందని ఫ్యాన్స్ ఆశిస్తున్నారు.