Jananayagan : ‘జననాయగన్’ సినిమాను సోషల్ మీడియాలో షేర్ చేస్తే చట్టపరమైన చర్యలు..

కోలీవుడ్ సూపర్ స్టార్ విజయ్ దళపతికి ఉన్న క్రేజ్ గురించి ప్రత్యేకంగా చెప్పక్కర్లేదు. రెండు దశాబ్దాల సినీ ప్రస్థానంలో అశేషమైన అభిమాన గణాన్ని సంపాదించుకున్న ఆయన, రాజకీయాల్లోకి ప్రవేశించి ప్రస్తుతం హాట్ టాపిక్‌గా మారారు. అయితే, రాజకీయాలపై దృష్టి పెట్టేందుకు సినిమాలకు గుడ్ బై చెప్పాలని నిర్ణయించుకున్న విజయ్.. తన చివరి చిత్రంగా ‘జననాయగన్‘ చేస్తున్నారు. ఈ సినిమా కోసం అభిమానులు కళ్ళు కాయలు కాచేలా ఎదురుచూస్తుంటే తాజాగా చిత్ర యూనిట్‌కు కోలుకోలేని దెబ్బ తగిలింది.

Also Read : Vaazha 2 : బడ్జెట్ రూ. 10 కోట్లు.. కలెక్షన్స్ రూ. 100 కోట్లు మలయాళంలో సెకండ్ హిట్ అందుకున్న సాహు గారపాటి

 మొదట ఈ సినిమాకు సంబంధించిన ఒక 5 నిమిషాల నిడివి గల వీడియో క్లిప్ సోషల్ మీడియాలో ప్రత్యక్షమైంది. అందులో విజయ్ ఇంట్రడక్షన్ సీన్ హై-వోల్టేజ్ యాక్షన్ సీక్వెన్స్ ఉండటంతో మేకర్స్ షాక్‌కు గురయ్యారు. అది చిన్న లీక్ అనుకునేలోపే, మొత్తం సినిమా 4K HD వెర్షన్ పైరసీ వెబ్‌సైట్లలో ప్రత్యక్షం కావడంతో పరిస్థితి తీవ్రంగా మారింది. ఇప్పటికే సెన్సార్ బోర్డు సమస్యలు ఇతర న్యాయపరమైన చిక్కులతో 2026 ప్రారంభంలో విడుదల కావాల్సిన ఈ సినిమా వాయిదా పడుతూ వస్తోంది. ఇప్పుడు ఏకంగా సినిమానే లీక్ అవ్వడం చిత్ర పరిశ్రమలో కలకలం సృష్టిస్తోంది.ఈ లీకులపై కె.వి.ఎన్ (KVN) ప్రొడక్షన్స్ సంస్థ ఇంకా అధికారిక ప్రకటన విడుదల చేస్తూ సోషల్ మీడియా వేదికగా సినిమా క్లిప్పులను షేర్ చేసే వారిపై కఠిన చర్యలు తీసుకుంటామని హెచ్చరించింది. ‘జననాయగన్’ సినిమాను సోషల్ మీడియాలో షేర్ చేసినా లేదా ప్రసారం చేసినా చట్టపరమైన చర్యలు తీసుకుంటామని KVN నిర్మాణ సంస్థ తరపు లాయర్ స్పష్టం చేసారు. అభిమానులు కూడా ఈ అక్రమ చర్యలను అరికట్టాలని తమ అభిమాన హీరో చివరి సినిమాను థియేటర్లలోనే చూడాలని డిమాండ్ చేస్తున్నారు. ఈ చర్యలు విజయ్ అభిమానులను అయోమయానికి గురిచేస్తున్నాయి. ఏదేమైనా ఒక పవర్ ఫుల్ పొలిటికల్ అండ్ యాక్షన్ డ్రామాగా వస్తున్న ‘జననాయగన్’ ఈ అడ్డంకులన్నీ దాటుకుని బాక్సాఫీస్ వద్ద ఎలాంటి వండర్స్ క్రియేట్ చేస్తుందో చూడాలి.