Blast : ములుగు అడవుల్లో ముగ్గురు పోలీసుల ప్రాణాలు బలిగొన్న విషాద ఘటన

Blast : తెలంగాణ-ఛత్తీస్‌గఢ్ సరిహద్దులో మరోసారి మావోయిస్టుల ఉనికిని గుర్తుచేసే విషాద ఘటన చోటుచేసుకుంది. ములుగు జిల్లా వాజేడు మండల పరిధిలోని దట్టమైన అటవీ ప్రాంతాల్లో శుక్రవారం ఉదయం జరిగిన ల్యాండ్‌మైన్ పేలుడులో ముగ్గురు పోలీసులు అక్కడికక్కడే ప్రాణాలు కోల్పోయారు. వివరాల్లోకి వెళితే, మావోయిస్టులు ఈ ప్రాంతంలో సంచరిస్తున్నారన్న ఇంటెలిజెన్స్ సమాచారం మేరకు, భద్రతా దళాలు తెల్లవారుజాము నుంచే కూంబింగ్‌ ఆపరేషన్ ప్రారంభించాయి. ఈ సమయంలో మావోయిస్టుల తాకిడి ఎదురవ్వగా, ఇరువర్గాల మధ్య తీవ్ర కాల్పులు చోటుచేసుకున్నాయి.

Irul : ఎడ్జ్-ఆఫ్-ది-సీట్ ఎక్స్ పీరియన్స్‌కి సిద్ధంగా ఉండండి !

ఈ దాడిని పక్కాగా ప్లాన్ చేసిన మావోయిస్టులు, పోలీసులను ల్యాండ్‌మైన్ ఉన్న ప్రదేశానికి దారి మళ్లించి, అతి తక్కువ సమయంలోనే దాన్ని పేల్చేశారు. పేలుడులో ముగ్గురు పోలీసులకు తీవ్ర గాయాలు కావడంతో, వారు స్పాట్‌లోనే మరణించారు. ఈ ఘటన నేపథ్యంలో ఆ ప్రాంతంలో ఉద్రిక్తత నెలకొంది. మరిన్ని వివరాలు వెలుగులోకి రావాల్సి ఉంది. అధికారులు సంఘటన స్థలానికి చేరుకుని పరిశీలన చేస్తున్నారు. ఈ దాడి మావోయిస్టుల చర్యల్లో తీవ్రతను మరోసారి బయటపెట్టింది.

Ajith : ఓటీటీలో స్ట్రీమింగ్ అవుతున్న గుడ్ బ్యాడ్ అగ్లీ..