Kane Williamson: మచ్చలేని మనిషి.. ఓటమిని నవ్వుతో స్వీకరించిన కేన్ మామ గొప్పతనం ఇదే!
- Follow Us :
-
-
Add as a preferred
source on google
Kane Williamson: క్రికెట్ ప్రపంచంలో రికార్డులు సృష్టించే ఆటగాళ్లు చాలా మంది ఉంటారు. కానీ, అభిమానుల గుండెల్లో ఎప్పటికీ ఉండిపోయే ‘జెంటిల్మెన్’లు కొందరే ఉంటారు. అలాంటి అరుదైన క్రికెటర్లలో న్యూజిలాండ్ మాజీ కెప్టెన్ కేన్ విలియమ్స్ ఒకరు. తాజాగా ఆయన అంతర్జాతీయ క్రికెట్కు రిటైర్మెంట్ ప్రకటించడంతో ఒక అద్భుతమైన అధ్యాయం ముగిసింది. 16 ఏళ్ల సుదీర్ఘ కెరీర్లో ఎన్నో పరుగుల మైలురాళ్లను అందుకున్న కేన్ మామ, కేవలం రికార్డుల వల్ల మాత్రమే కాదు.. మైదానంలో అతను చూపించే సంస్కారం, ఓటమిని స్వీకరించే విధానం వల్లే కోట్లాది మందికి ‘ఫేవరెట్’ అయ్యాడు.
ఆ చిరునవ్వు… ఓ ‘మౌన రోదనం’!
సోషల్ మీడియాలో ప్రస్తుతం కేన్ విలియమ్స్ రిటైర్మెంట్పై నెటిజన్లు ఎమోషనల్ అవుతున్నారు. ముఖ్యంగా గతంలో జరిగిన ఐసీసీ వరల్డ్ కప్ ఫైనల్స్, అలాగే ఎన్నో కీలక మ్యాచ్ల్లో న్యూజిలాండ్ జట్టు గెలుపు అంచుల్లోకి వచ్చి ఓడిపోయిన సందర్భాలను గుర్తు చేసుకుంటున్నారు. ప్రతి మ్యాచ్ ఓడినప్పుడూ కేన్ విలియమ్స్ ముఖంలో ఒకే రకమైన ‘చిరునవ్వు’ కనిపిస్తుంది. అది కేవలం నవ్వు కాదు.. గుండెల్లో దాగున్న అంతఃమథనాన్ని, ఓటమి తెచ్చిన అంతులేని బాధను దాచుకోవడానికి అతను ధరించే ఒక ముసుగు. ప్రపంచంలో ఎంతటి వారైనా ఓటమిని తట్టుకోలేక కన్నీళ్లు పెట్టుకుంటారు, లేదా ఆవేశాన్ని ప్రదర్శిస్తారు. కానీ, విలియమ్స్ మాత్రం పెదవులపై చిరునవ్వుతో ప్రత్యర్థి జట్టును అభినందిస్తాడు. ఆ నవ్వు వెనుక ఉన్న బాధ ఎంత తీవ్రమైనదో క్రికెట్ ప్రేమికులకు బాగా తెలుసు. అందుకే సోషల్ మీడియా యూజర్లు ఆ ఫోటోలను షేర్ చేస్తూ, “ఈ నవ్వు వెనుక ఉన్న నిశ్శబ్దం ఎంతో నేర్పుతుంది” అంటూ ప్రశంసల వర్షం కురిపిస్తున్నారు.
Also Read
- Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
- Dawood Ibrahim: పాకిస్థాన్లో దావూద్ ఇంకా ఫుల్ యాక్టివ్.. మాజీ ఎఫ్బీఐ ఏజెంట్ బయటపెట్టిన సంచలన నిజాలు
- CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
- Azam Khan Released From Jail: ఇక ఎన్నికలు కాదు.. విప్లవమే వస్తుంది! అజం ఖాన్ సంచలన వ్యాఖ్యలు
2019 వరల్డ్ కప్: కన్నీళ్లను మింగిన నవ్వు
క్రికెట్ చరిత్రలోనే అత్యంత ఉత్కంఠభరితమైన, వివాదాస్పదమైన 2019 వన్డే వరల్డ్ కప్ ఫైనల్ ఎవరూ మరువలేరు. బౌండరీల కౌంట్ నియమం వల్ల కివీస్ జట్టు చేతిలో ఉన్న కప్పు చేజారిపోయింది. ఆ సమయంలో ఏ ఆటగాడైనా కుప్పకూలిపోయేవాడు. కానీ, అప్పుడు కూడా కేన్ విలియమ్స్ పెదవుల పైనుంచి ఆ చిరునవ్వు చెదరలేదు. ఆ క్షణంలోనే అతను ప్రపంచవ్యాప్తంగా కోట్ల మంది గుండెలను గెలుచుకున్నాడు. విలియమ్స్ ఆటలోనే కాదు, ప్రవర్తనలోనూ ‘క్రికెట్ అనేది జెంటిల్మెన్ గేమ్’ అని నిరూపించాడు. ఇక, న్యూజిలాండ్ను రెండుసార్లు వరల్డ్ కప్ ఫైనల్స్కు చేర్చడమే కాకుండా, 2021లో భారత్పై గెలిచి తొలి ఐసీసీ వరల్డ్ టెస్ట్ ఛాంపియన్షిప్ (WTC) ట్రోఫీని అందించాడు. దాదాపు 19,000 పైగా అంతర్జాతీయ పరుగులు, 48 సెంచరీలతో కివీస్ చరిత్రలోనే అత్యుత్తమ బ్యాటర్గా నిలిచాడు. ఐసీసీ ‘స్పిరిట్ ఆఫ్ క్రికెట్’ అవార్డు గ్రహీత అయిన కేన్, స్లెడ్జింగ్కు (ఆటగాళ్లను దూషించడం) ఎప్పుడూ దూరంగా ఉన్నాడు. కేన్ విలియమ్స్ మైదానాన్ని వీడవచ్చు, కానీ అతను నేర్పిన క్రీడా స్ఫూర్తి, ఓటమిని హుందాగా స్వీకరించే తత్వం తరతరాల క్రికెటర్లకు రోల్ మోడల్గా నిలుస్తుంది. ఇకపై కివీస్ మ్యాచ్ ఓడినప్పుడు ఆ బాధను దాచే ‘చిరునవ్వు’ మైదానంలో కనిపించకపోవచ్చు.
తాజావార్తలు
-
Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
-
Vaibhav Sooryavanshi: వైభవ్ సూర్యవంశీకి అరుదైన గౌరవం!
-
Dawood Ibrahim: పాకిస్థాన్లో దావూద్ ఇంకా ఫుల్ యాక్టివ్.. మాజీ ఎఫ్బీఐ ఏజెంట్ బయటపెట్టిన సంచలన నిజాలు
-
Itel City 300 5G: కొత్త కలర్ వేరియంట్లలో itel City 300 5G లాంచ్.. 13MP కెమెరా, 5000mAh బ్యాటరీ!
-
Aditya Dhar: రణ్వీర్ సింగ్తోనే ఆదిత్య ధర్ మూవీ.. ఈసారి మరో డ్రీమ్ ప్రాజెక్ట్!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!