Exclusive: ‘నాన్న’కు ప్రేమతో యంగ్ టైగర్!

RRR సినిమాతో యంగ్ టైగర్ మార్కెట్ భారీగా పెరిగింది. టైగర్ నుండి వచ్చే ప్రతీ సినిమా పాన్ ఇండియా చిత్రంగా వష్తుంది. ప్రస్తుతం దేవరలో నటిస్తున్నాడు తారక్. కొరటాల శివ దర్శకత్వం వహిస్తున్న ఈ చిత్రం పాన్ ఇండియా చిత్రంగా తెలుగుతో పాటు తమిళ్, మలయాళం, హిందీ, కన్నడ భాషలో రానుంది. ఈ చిత్రంలో టైగర్ ద్విపాత్రాభినయం చేస్తున్నాడు. ఇప్పటికే ఈ చిత్రం నుండి విడుదలైన ఎన్టీఆర్ లుక్, గ్లిమ్స్ కు ప్రేక్షకుల్లో ఈ చిత్రం ఎప్పుడు రాబోతోందా అని ఆసక్తిని క్యూరియాసిటిని పెంచింది.

కాగా తారక్ మరో సినిమా స్టార్ట్ చేయబోతున్నాడని టాక్ నడుస్తోంది. హాయ్ నాన్నచిత్రానికి దర్శకత్వం వహిచిన శౌర్యువ్‌ ఇటీవల తారక్ కు కథ వినిపించాడని ఇన్ సైడ్ టాక్. తొలి చిత్రంతోనే బలమైన కథ, ఎమోషన్స్ తో హృదయాలను తాకే విధంగా కథనాన్ని మలిచి సూపర్ హిట్ అందిచాడు శౌర్యువ్‌. ఈ యంగ్ డైరెక్టర్ పవర్ ఫుల్ కథని సిద్ధం చేసి తారక్ కు వినిపించాడని పాయింట్ నచ్చడంతో బౌండెడ్ స్క్రిప్ట్ సిద్ధం చేయమని శౌర్యువ్‌ కు సూచించినట్టు వినికిడి. అదే జరిగితే ఈ దర్శకుడు లక్కీ ఛాన్స్ కొట్టినట్టేనని గుసగుసలాడుకొంటున్నారు సినీ జనాలు.

కాగా ప్రస్తతం తారక్ దేవరతో పాటు. స్ట్రయిట్ హిందీ చిత్రంతో బాలీవుడ్ లో అడుగపెడుతున్నారు. హృతిక్ రోషన్ తో వార్ -2లో స్క్రీన్ షేర్ చేసుకోబుతున్నాడు తారక్. అత్యంత భారీస్థాయిలో నిర్మిస్తున్న ఈ చిత్రానికి సిద్దార్ధ్ ఆనంద్ దర్శకుడు. ఈ రెండు పూర్తి అయ్యాకే శౌర్యువ్‌ సినిమాఫై క్లారిటీ వస్తుంది. ప్రస్తుతానికివీటిని ఊహాగానాలుగా మాత్రమే పరిగణించాలి.