JIO New Offer: నెల ఉచిత వైఫై, 100Mbps ఇంటర్నెట్, 12 OTT యాప్‌లు, 1,000 టీవీ ఛానెల్స్..

రిలయన్స్ జియో తన బ్రాడ్‌బ్యాండ్ (JioHome) వినియోగదారుల కోసం ఒక ధమాకా ఆఫర్‌ను ప్రవేశపెట్టింది. నూతన కనెక్షన్ తీసుకోవాలనుకునే వారికి అండ్ ఇప్పటికే ఉన్న జియో వినియోగదారులకు ఇది ఎంతగానో ఉపయోగపడుతుంది. ఈ ప్రత్యేక ఆఫర్ కింద యూజర్లు 2 నెలల ప్లాన్‌ను ఎంచుకుంటే, వారికి మరో 1 నెల సేవలని పూర్తి ఉచితంగా అందిస్తారు. అంటే వినియోగదారులు కేవలం 2 నెలల రుసుము చెల్లించి మొత్తం 3 నెలల పాటు హై-స్పీడ్ ఇంటర్నెట్, ఎంటర్‌టైన్‌మెంట్ ప్రయోజనాలను పొందవచ్చు.

ఈ ఆఫర్ ముఖ్యంగా జియో 100 Mbps స్పీడ్ బ్రాడ్‌బ్యాండ్ ప్లాన్‌పై లభిస్తుంది. ఈ ప్లాన్ నెలవారీ ధర రూ.899. ఒకేసారి 2 నెలల రీఛార్జ్ చేసుకోవడం ద్వారా ఉచితంగా పొందే అదనపు నెలతో కలిపి 3 నెలల పాటు అపరిమిత డేటాను అనుభవించవచ్చు. ఈ 100 Mbps వేగంతో 4K వీడియో స్ట్రీమింగ్, ఆన్‌లైన్ గేమింగ్, వర్క్ ఫ్రమ్ హోమ్, వీడియో కాలింగ్, ఆన్‌లైన్ క్లాసెస్ వంటి పనులను ఎలాంటి అంతరాయం లేకుండా చేసుకోవచ్చు.

ఇంటర్నెట్ మాత్రమే కాకుండా.. ఈ ప్లాన్ వినోద ప్రియులకు పండుగలాంటిది. ఇందులో 12 ప్రముఖ ప్రైమ్ OTT యాప్‌ల ఉచిత సబ్‌స్క్రిప్షన్ లభిస్తుంది. JioHotstar, Sony LIV, ZEE5, Lionsgate Play, Discovery+, Sun NXT, Hoichoi, Chaupal, Planet Marathi, FanCode వంటి టాప్ యాప్‌లు ఇందులో భాగమై ఉన్నాయి. వీటితో పాటు 1000 కి పైగా లైవ్ టీవీ ఛానెళ్లను కూడా వీక్షించే సదుపాయం కలదు. ఇందులో వార్తలు, స్పోర్ట్స్, పిల్లల కార్యక్రమాలు, ప్రాంతీయ ఛానెళ్లు అందుబాటులో ఉంటాయి.

ఒకే ప్లాన్‌లో ఇటు వైఫై, అటు ఎంటర్‌టైన్‌మెంట్ కావలాలనుకునే కుటుంబాలకు ఇది అత్యుత్తమ ఎంపిక. ఈ ఆఫర్‌ను పొందడానికి వినియోగదారులు అర్హత కలిగిన 2 నెలల ప్లాన్‌ను ఎంచుకోవాలి. ప్రాంతాన్ని బట్టి, ఎంచుకున్న ప్లాన్‌ను బట్టి నిబంధనలు మారే అవకాశం ఉన్నందున, ప్లాన్ తీసుకునే ముందు జియో అధికారిక వెబ్‌సైట్ లేదా MyJio యాప్‌ ద్వారా సమాచారాన్ని సరిచూసుకోవడం మంచిది.