VD14 : రౌడీ హీరో విజయ్ దేవరకొండ నటించిన లేటెస్ట్ మూవీ “ఫ్యామిలీ స్టార్ “..ఏప్రిల్ 5 న గ్రాండ్ గా రిలీజ్ అయిన ఈ సినిమా ప్రేక్షకులను అంతగా మెప్పించలేక పోయింది.దీనితో విజయ్ దేవరకొండ తన తరువాత సినిమాలపై పూర్తి దృష్టి పెట్టారు.విజయ్ దేవరకొండ ప్రస్తుతం వరుస సినిమాలను లైన్ లో పెట్టాడు.ప్రస్తుతం విజయ్ నటిస్తున్నమోస్ట్ అవైటెడ్ మూవీస్ లో రాహుల్ సాంకృత్యాన్ సినిమా ఒకటి. ఈ చిత్రాన్ని మైత్రీ మూవీమేకర్స్ ఎంతో గ్రాండ్ గా నిర్మిస్తున్న విషయం తెలిసిందే.రాహుల్ సాంకృత్యాన్ గతంలో ట్యాక్సీవాలా, శ్యామ్సింగరాయ్ వంటి సినిమాలతో ప్రేక్షకులను ఎంతగానో మెప్పించాడు.
ఇప్పుడు విజయ్ దేవరకొండతో పీరియాడికల్ యాక్షన్ సినిమాను తెరకెక్కిస్తున్నారు.అయితే ఈ మూవీ కథ విషయంలో ఓ ఇంట్రెస్టింగ్ న్యూస్ బాగా వైరల్ అవుతుంది. దర్శకుడు రాహుల్ ఈ సినిమా కథను విజయ్ దేవరకొండ కంటే ముందు తమిళ స్టార్ హీరో సూర్యకి వినిపించారు.ఈ సినిమాలో హీరో సూర్య,కార్తీ తండ్రీకొడుకులుగా బిగ్గెస్ట్ మల్టీస్టారర్ ప్లాన్ చేసారు. కానీ కొన్ని కారణాల వల్ల ఆ సినిమా సెట్స్ పైకి వెళ్ళలేదు. దీనితో కథలో మార్పులు చేసి విజయ్ హీరోగా తెరకెక్కిస్తున్నారు.ఈ సినిమాలో ఓ యోధుడిగా విజయ్ దేవరకొండ నటిస్తున్నాడు.అలాగే ఈ సినిమాలో విజయ్ సరసన రష్మిక హీరోయిన్ గా నటిస్తున్నట్లు సమాచారం.