IPL Orange & Purple Cap History: ఇండియన్ ప్రీమియర్ లీగ్ (IPL) కేవలం జట్ల మధ్య పోటీ మాత్రమే కాదు.. ఆటగాళ్ల వ్యక్తిగత ప్రతిభకు కూడా ఇది ఒక వేదిక. ప్రతి సీజన్లో బ్యాటింగ్లో సత్తా చాటిన వారికి ‘ఆరెంజ్ క్యాప్’, బౌలింగ్లో మాయ చేసిన వారికి ‘పర్పుల్ క్యాప్’ ఇస్తారు. వీటిని ఆటగాళ్ల ప్రదర్శనతో పాటు ఆయా జట్లు గౌరవంగా భావిస్తాయి. గత రికార్డులను పరిశీలిస్తే.. కొన్ని జట్లు ఐపీఎల్ ‘క్యాప్స్’లో స్పష్టమైన ఆధిపత్యాన్ని ప్రదర్శించాయి. మరి ఆ వివరాలేంటో చూసేద్దామా..
Kurnool Murder Case: కర్నూలు జిల్లాలో దారుణం.. నిద్రపోతున్న భర్తను గొంతు కోసి చంపిన భార్య, ప్రియుడు!
ఐపీఎల్ చరిత్రలో అత్యధికంగా 7 క్యాప్లు (3 ఆరెంజ్, 4 పర్పుల్) సాధించి చెన్నై సూపర్ కింగ్స్ అగ్రస్థానంలో నిలిచింది. ముఖ్యంగా బౌలింగ్ విభాగంలో ఈ జట్టుకు తిరుగులేదు. 2013 నుంచి 2015 వరకు వరుసగా మూడు ఏళ్ల పాటు పర్పుల్ క్యాప్ ను సీఎస్కే బౌలర్లే కైవసం చేసుకోవడం వారి నిలకడకు నిదర్శనం. 2009, 2013, 2021 సీజన్లలో బ్యాటర్లు కూడా తమ సత్తా చాటి ఆరెంజ్ క్యాప్ లను ఖాతాలో వేశారు.
ఇక పరుగుల వేటలో సన్రైజర్స్ హైదరాబాద్ జట్టు తనదైన ముద్ర వేసింది. ఈ జట్టు తరపున ఏకంగా 4 సార్లు ఆరెంజ్ క్యాప్లు అందుకుంది. 2017, 2018, 2019 వరుస సీజన్లలో వరుసగా మూడేళ్ల పాటు హైదరాబాద్ బ్యాటర్లే ఐపీఎల్ టాప్ స్కోరర్లుగా నిలిచారు. మొత్తం 6 క్యాప్ లతో (4 ఆరెంజ్, 2 పర్పుల్) ఈ జాబితాలో ఎస్ఆర్హెచ్ రెండో స్థానంలో కొనసాగుతోంది. ఇకపోతే ఆర్సీబీ పేరు వినగానే మెరుపు బ్యాటింగ్ గుర్తుకొస్తుంది. క్రిస్ గేల్, విరాట్ కోహ్లీ వంటి మేటి ఆటగాళ్ల పుణ్యమా అని ఈ జట్టుకు 4 ఆరెంజ్ క్యాప్లు దక్కాయి. 2011, 2012, 2016, 2024 సీజన్లలో బెంగళూరు బ్యాటర్లు పరుగుల సునామీ సృష్టించారు. 2021లో వచ్చిన ఒక పర్పుల్ క్యాప్తో కలిపి ఈ జట్టు మొత్తం 5 క్యాప్లను తన ఖాతాలో వేసుకుంది.
Bhatti Vikramarka : ప్రజల పక్షాన నిలబడేదే ప్రజాస్వామ్యం.. బీఆర్ఎస్ తీరుపై భట్టి ఫైర్..
లీగ్ లోకి ఆలస్యంగా వచ్చినప్పటికీ గుజరాత్ టైటాన్స్ (GT) సంచలన ప్రదర్శన చేసింది. 2023, 2025 సీజన్లలో ఆరెంజ్, పర్పుల్ క్యాప్లు రెండింటినీ ఒకే సీజన్లో సాధించి చరిత్ర సృష్టించింది. మరోవైపు పంజాబ్ కింగ్స్ కూడా మొత్తం 4 క్యాప్ లతో తన ఉనికిని చాటుకుంది. 2008 తొలి సీజన్ లోనే ఆరెంజ్ క్యాప్ ను, ఆ తర్వాత 2020లో కూడా దీనిని గెలుచుకుంది. బౌలింగ్లో 2018, 2024లో పర్పుల్ క్యాప్ లను సొంతం చేసుకుంది.