Indian Navy Recruitment: ఇండియన్ నేవీలో అగ్నివీర్ ఎస్‌ఎస్‌ఆర్‌ పోస్టులు.. పూర్తి వివరాలు ఇలా..

ఇండియన్ నేవీ అగ్నివీర్ ఖాళీల భర్తీకి నోటిఫికేషన్ విడుదల చేసింది. అగ్నిమాపక సిబ్బంది స్థానాలకు ఎంపికైన అభ్యర్థులు చిల్కా ఇన్‌స్టిట్యూట్‌లో శిక్షణ పొందుతారు. ఇంటర్ పాస్ అయిన అవివాహిత పురుషులు, మహిళలు ఆన్‌లైన్‌లో దరఖాస్తు చేసుకోవచ్చు. ఈ పోస్టులకు ఆన్‌లైన్ దరఖాస్తు ప్రక్రియ మే 13న ప్రారంభమవుతుంది. అభ్యర్థులు దరఖాస్తు చేసుకోవడానికి మే 27 వరకు గడువు ఉంది. ఆన్‌లైన్ కంప్యూటర్ ఆధారిత పరీక్ష, రాత పరీక్ష, శారీరక వ్యాయామం, వైద్య పరీక్షల ఆధారంగా పోస్టుల ఎంపిక జరుగుతుంది.

Also Read: Weather Report: తెలుగు రాష్ట్రాల్లో నిప్పుల వర్షం కురిపిస్తున్న సూర్యుడు.. 19 మంది మృతి..

అగ్నిమాపక సిబ్బందిగా ఎంపికైన అభ్యర్థులు నవంబర్‌లో ఒడిశాలోని ఐఎన్‌ఎస్ చిల్కాలో శిక్షణను ప్రారంభిస్తారు. శిక్షణను విజయవంతంగా పూర్తిచేసిన వారిని వివిధ విభాగాల్లో నియమిస్తారు. ఎంపికైన అభ్యర్థులకు మొదటి సంవత్సరంలో నెలకు రూ.30,000, రెండో సంవత్సరంలో నెలకు రూ.33,000, మూడో సంవత్సరంలో నెలకు రూ.36,500, నాల్గవ సంవత్సరంలో నెలకు రూ.40,000 జీతం లభిస్తుంది. అదనపు సర్‌ఛార్జ్‌లు జోడించబడతాయి.

Also Read: LSG vs KKR: కేకేఆర్ దూకుడును తట్టుకొని లక్నో ప్లేఆఫ్ కు చేరువతుందా..

ఇక అర్హత విషయానికి వస్తే.. కనీసం 50 % మార్కులతో మ్యాథ్స్, ఫిజిక్స్‌ ప్రధాన సబ్జెక్టులుగా ఇంటర్మీడియట్‌ లేదా రెండేళ్ల ఒకేషనల్ కోర్సు, ఇంజినీరింగ్ డిప్లొమా (మెకానికల్/ ఎలక్ట్రికల్/ ఆటోమొబైల్స్/ కంప్యూటర్ సైన్స్/ ఇన్‌స్ట్రుమెంటేషన్ టెక్నాలజీ/ ఇన్ఫర్మేషన్ టెక్నాలజీ), ఇంకా ఏదైనా తత్సమాన కోర్సు ఉత్తీర్ణులైన అవివాహిత పురుష, మహిళా అభ్యర్థులు మాత్రమే దరఖాస్తు చేసుకోవడానికి అర్హులు. నిర్దిష్ట శారీరక ప్రమాణాలు కలిగి ఉండాలి. ఇంకుగాను అభ్యర్థులు 01.11.2003 – 30.04.2007 మధ్య జన్మించి ఉండాలి. దరఖాస్తు ఫీజు రూ. 550. ఆన్‌లైన్ ద్వారా దరఖాస్తు అప్లై చేసుకోవాలి. స్టేజ్-1 (INET- ఇండియన్ నేవీ ఎంట్రెన్స్ టెస్ట్ CBT), స్టేజ్-2 (ఫిజికల్ ఫిట్‌నెస్ టెస్ట్, రాతపరీక్ష, మెడికల్ పరీక్ష) ద్వారా ఎంపికచేస్తారు.