Nikhil Chaudhary: భారత్లో పుట్టి.. ఆస్ట్రేలియా తరఫున ఆడుతూ..! ఢిల్లీ కుర్రాడి దెబ్బకు ఇంగ్లండ్ విలవిల..
- Follow Us :
-
-
Add as a preferred
source on google
Nikhil Chaudhary: భారత్లో పుట్టి ఆస్ట్రేలియా క్రికెట్ జట్టులో చోటు సంపాదించిన నిఖిల్ చౌదరి (Nikhil Chaudhary) అంతర్జాతీయ క్రికెట్లో అదరగొట్టాడు. ఇంగ్లండ్తో జరిగిన తొలి టీ20లో ఆల్రౌండ్ ప్రదర్శనతో ఆస్ట్రేలియా విజయంలో కీలక పాత్ర పోషించాడు. మెల్బోర్న్ క్రికెట్ గ్రౌండ్ (MCG) వేదికగా జరిగిన ఈ మ్యాచ్లో నిఖిల్ 38 బంతుల్లో 66 పరుగులు చేయడంతో పాటు బౌలింగ్లో రెండు కీలక వికెట్లు పడగొట్టాడు. దీంతో అతడికి ‘ప్లేయర్ ఆఫ్ ది మ్యాచ్ అవార్డు’ కూడా లభించింది.
ఢిల్లీ నుంచి ఆస్ట్రేలియా వరకు..
ఢిల్లీలో జన్మించిన నిఖిల్ చౌదరి క్రికెట్ ప్రయాణం ఎన్నో మలుపులు తిరిగింది. పంజాబ్ వయోపరిమితి జట్ల తరఫున ఆడిన అతడు.. శుభ్మన్ గిల్, అభిషేక్ శర్మ, అర్ష్దీప్ సింగ్ వంటి ఆటగాళ్లతో కలిసి క్రికెట్ ఆడాడు. అయితే 2020 మార్చిలో తన స్నేహితుడి పుట్టినరోజు వేడుక కోసం వెళ్లిన నిఖిల్.. ఆస్ట్రేలియాలో స్థిరపడాలని నిర్ణయించుకున్నాడు. అప్పట్లో అతడి తండ్రి స్నేహ్ చౌదరి కూడా ఈ నిర్ణయంపై ఆందోళన చెందారు. ఆస్ట్రేలియా వెళ్లిన కొద్దిరోజులకే కరోనా మహమ్మారి రావడంతో అక్కడే చిక్కుకుపోయాడు నిఖిల్. మొదట టౌన్స్విల్లేలో కొంతకాలం ఉన్న నిఖిల్.. మెరుగైన క్రికెట్ అవకాశాల కోసం బ్రిస్బేన్కు మారాడు. అక్కడ సదరన్ సబర్బ్స్, నార్తర్న్ సబర్బ్స్ క్లబ్ల తరఫున క్రికెట్ ఆడాడు. మరోవైపు మెక్సికన్ రెస్టారెంట్లో పార్ట్టైమ్ ఉద్యోగం కూడా చేశాడు. పని చేస్తూనే క్రికెట్ ప్రాక్టీస్ కొనసాగించాడు.
Also Read
- Deputy CM Pawan Kalyan: రామాంజులు మృతిపై పవన్ ఆరా.. నాగులగుట్టపల్లి ఘటనపై కీలక ఆదేశాలు..
- AP Panchayat Elections 2026: పంచాయతీ ఎన్నికల్లో కీలక మార్పులు.. పోలింగ్ కేంద్రాల విలీనంపై ఈసీ ఉత్తర్వులు
- చిన్న గదికి అదిరిపోయే స్మార్ట్ టీవీ.. Xiaomi Google TVపై రూ.12,000ల భారీ డిస్కౌంట్..!
- Kavya-Anirudh Reception: సింధూరం లేదు.. మెహందీ లేదు.. కావ్య మారన్ రిసెప్షన్ స్టైల్పై నెటిజన్ల చర్చ!!
ఐదేళ్ల నిరీక్షణ
ఆస్ట్రేలియా అంతర్జాతీయ జట్టుకు ఎంపిక కావాలంటే అవసరమైన ఐదేళ్ల నివాస నిబంధనను పూర్తి చేయాల్సి వచ్చింది. ఈ క్రమంలో బిగ్ బాష్ లీగ్లో హోబర్ట్ హరికేన్స్, టాస్మానియా జట్ల తరఫున ఆడుతూ తన ఆటను మెరుగుపరుచుకున్నాడు. ఆ తర్వాత ది హండ్రెడ్, కరేబియన్ లీగ్, మేజర్ లీగ్ క్రికెట్ వంటి టోర్నీల్లోనూ తన ప్రతిభను చాటుకున్నాడు. ఈ ఏడాది జూన్లో ఆస్ట్రేలియా తరఫున అంతర్జాతీయ క్రికెట్లోకి అడుగుపెట్టి.. ఆరు దశాబ్దాల తర్వాత ఆస్ట్రేలియా తరఫున ఆడిన తొలి భారత సంతతి ఆటగాడిగా గుర్తింపు పొందాడు.
ఆల్రౌండ్ షో..
తొలి టీ20లో తొలుత బ్యాటింగ్ చేసిన ఇంగ్లండ్ నిర్ణీత 20 ఓవర్లలో 9 వికెట్ల నష్టానికి 187 పరుగులు చేసింది. కెప్టెన్ హ్యారీ బ్రూక్ కేవలం 28 బంతుల్లో 65 పరుగులతో చెలరేగాడు. అయితే నిఖిల్ చౌదరి తన స్పిన్ బౌలింగ్తో బ్రూక్తో పాటు సామ్ కరన్ను పెవిలియన్కు పంపించాడు. 4 ఓవర్లలో 21 పరుగులిచ్చి రెండు కీలక వికెట్లు పడగొట్టాడు. 188 పరుగుల లక్ష్యంతో బరిలోకి దిగిన ఆస్ట్రేలియాకు నిఖిల్ కీలక ఇన్నింగ్స్ ఆడాడు. నాలుగో స్థానంలో బ్యాటింగ్కు వచ్చి కెప్టెన్ మిచెల్ మార్ష్ (37), టిమ్ డేవిడ్ (20)తో కీలక భాగస్వామ్యాలు నెలకొల్పాడు. 38 బంతుల్లో 66 పరుగులు చేసి ఆస్ట్రేలియా విజయానికి బలమైన పునాది వేశాడు. చివర్లో జాక్ ఎడ్వర్డ్స్ 25 పరుగులతో అజేయంగా నిలిచి మరో బంతి మిగిలి ఉండగానే జట్టును గెలిపించాడు. ఆస్ట్రేలియా 19.5 ఓవర్లలో 7 వికెట్లు కోల్పోయి 191 పరుగులు చేసింది. దీంతో ఐదు మ్యాచ్ల టీ20 సిరీస్లో 1-0 ఆధిక్యంలోకి వెళ్లింది.
ఈ మ్యాచ్లో మరో ప్రత్యేకత ఏమిటంటే.. నిఖిల్ తల్లిదండ్రులు భారత్ నుంచి వచ్చి తొలిసారి అతడి ఆటను ప్రత్యక్షంగా వీక్షించారు. వారి సమక్షంలోనే ప్లేయర్ ఆఫ్ ది మ్యాచ్ అవార్డు అందుకోవడం తనకు ఎంతో ప్రత్యేకమని నిఖిల్ తెలిపాడు. ఒకప్పుడు తన ఆస్ట్రేలియా ప్రయాణంపై సందేహాలు వ్యక్తం చేసిన తల్లిదండ్రులు.. ఇప్పుడు తన విజయాన్ని చూసి ఆనందిస్తున్నారని చెప్పాడు. నిఖిల్ తండ్రి స్నేహ్ చౌదరి కూడా తన కుమారుడి పట్టుదలపై సంతోషం వ్యక్తం చేశారు. భవిష్యత్తులో ఐపీఎల్లో ఆడటంతో పాటు భారత గడ్డపై సొంత ప్రేక్షకుల ముందు ఆస్ట్రేలియా తరఫున క్రికెట్ ఆడాలన్నది నిఖిల్ లక్ష్యమని ఆయన వెల్లడించారు.
తాజావార్తలు
-
Nikhil Chaudhary: భారత్లో పుట్టి.. ఆస్ట్రేలియా తరఫున ఆడుతూ..! ఢిల్లీ కుర్రాడి దెబ్బకు ఇంగ్లండ్ విలవిల..
-
Rishabh Pant : నాకు ఎప్పటి నుంచో ఉన్న అలవాటు.. ఈసారి దొరకలేదు.. పంత్ ఆసక్తికర వ్యాఖ్యలు!
-
Gold Loan Recovery: గోల్డ్ లోన్ తీసుకున్న వారికి షాక్.. గండం ముంచుకొస్తోంది!
-
Deputy CM Pawan Kalyan: రామాంజులు మృతిపై పవన్ ఆరా.. నాగులగుట్టపల్లి ఘటనపై కీలక ఆదేశాలు..
-
IPL 2027-SRH: సన్రైజర్స్ హైదరాబాద్కు గుడ్న్యూస్.. ఐపీఎల్ 2027లో ఆడనున్న స్టార్ ప్లేయర్!
ట్రెండింగ్
-
చిన్న గదికి అదిరిపోయే స్మార్ట్ టీవీ.. Xiaomi Google TVపై రూ.12,000ల భారీ డిస్కౌంట్..!
-
IND vs NZ: ముగిసిన నాలుగో రోజు ఆట.. డ్రా దిశగా కివీస్ పోరాటం.. భారత్ విజయానికి మరో 8 వికెట్ల దూరంలో..!
-
Jacob Duffy: బ్యాట్తో కాదు.. బంతితో డబుల్ సెంచరీ.. 22 ఏళ్ల తర్వాత అరుదైన రికార్డు..!
-
Global Peace Honors: ‘గ్లోబల్ పీస్ హానర్స్’లో తారల సందడి.. సచిన్కు ప్రత్యేక గౌరవం..!
-
IND vs NZ Test: టీమిండియా బ్యాటర్ల ఊచకోత.. భారీ ఆధిక్యంలో భారత్..!