Varun Chakravarthy: చాలా బాధగా ఉంది.. ఆవేదన వ్యక్తం చేసిన టీమిండియా స్పిన్నర్!

మంగళవారం రాత్రి ఇంగ్లండ్‌తో రాజ్‌కోట్‌ వేదికగా జరిగిన మూడో టీ20లో భారత్ ఓడిపోవడం తనను చాలా బాధించిందని స్పిన్నర్ వరుణ్‌ చక్రవర్తి తెలిపాడు. మ్యాచ్‌ను తాము అనుకున్నవిధంగా ముగించలేకపోయామన్నాడు. ఫలితం గురించి ఆలోచించడం పక్కన పెట్టి తర్వాత మ్యాచ్‌ కోసం సిద్ధమవుతా అని చెప్పాడు. ఈ మ్యాచులో బౌలింగ్‌ వేసి ఉండొచ్చు కానీ.. మున్ముందు ఇంకా మెరుగ్గా వేయాల్సిన అవసరం ఉందని చక్రవర్తి చెప్పుకొచ్చాడు. మూడో టీ20లో చక్రవర్తి (5/24) అద్భుత ప్రదర్శన చేశాడు. చక్రవర్తి ఐదు వికెట్ల ప్రదర్శన చేసినా.. భారత్ ఓడిపోవడం ఇది రెండోసారి.

Also Read: IND vs ENG: అతడు మా జట్టులో ఉండటం అదృష్టం: జోస్ బట్లర్

ఐదు వికెట్స్ తీసిన వరుణ్‌ చక్రవర్తికి ‘మ్యాన్ ఆఫ్ ది మ్యాచ్’ అవార్డు దక్కింది. ఈ సందర్భంగా చక్రవర్తిమాట్లాడుతూ… ‘మ్యాచ్‌ను మేం అనుకున్నవిధంగా ముగించలేదు. ఓడినందుకు చాలా బాధగా ఉంది. మ్యాచ్ అన్నాక గెలుపోటములు సహజం. ఫలితం గురించి ఆలోచించడం పక్కన పెట్టి తర్వాతి మ్యాచ్‌ కోసం సిద్ధమవుతా. దేశం కోసం ఆడేటప్పుడు ప్రతి ఒక్కరూ బాధ్యతాయుతంగా ఆడాలి. ఇక నాలుగు ఓవర్ల కోటాను ఎప్పుడైనా వేయాలి. ఎప్పుడు బౌలింగ్ చేయడానికైనా నేను సిద్ధమే. ఫ్లిప్పర్ బంతులను వేసేందుకు సాధన చేశా. ఈ విషయం ఇప్పటికే చెప్పాను. ఈ మ్యాచులో నేను బాగానే బౌలింగ్‌ వేసి ఉండొచ్చు కానీ వచ్చే మ్యాచులో ఇంకా మెరుగ్గా వేయాల్సిన అవసరం ఉంది’ అని తెలిపాడు.