Child Rape: కోల్కతాలో ట్రైనీ డాక్టర్పై దారుణమైన అత్యాచారం హత్య ఘటన ఇంకా మరవక ముందే, రాజస్థాన్ లోని జోధ్పూర్ జిల్లా నుండి ఒక బాలికపై లైంగిక వేధింపుల భయంకరమైన సంఘటన వెలుగులోకి వచ్చింది. ఇక్కడ చెత్త ఏరుకుని జీవించే వారి మూడేళ్ల కుమార్తెపై అత్యాచారం జరిగింది. అయితే, ఉదయం ఓ గుర్తుతెలియని వ్యక్తి పాపను కిడ్నాప్ చేసి అత్యాచారానికి పాల్పడ్డాడు. పోలీసులు తెలిపిన వివరాల ప్రకారం.. 3 ఏళ్ల బాలిక తన తల్లిదండ్రులతో కలిసి ఆలయం వెలుపల నిద్రిస్తుండగా.. ఆదివారం తెల్లవారుజామున గుర్తు తెలియని వ్యక్తి ఆమెను అపహరించాడు. ఆ తర్వాత ఆ చిన్నారిని టీ స్టాల్ దగ్గర వదిలేసి వెళ్లిపోగా.. ఉదయం స్టాల్ దగ్గరికి వచ్చిన మహిళ ఆ చిన్నారిని చూడగా, చిన్నారి పెదవులు, వీపుపై గాయాలు, కాటు గుర్తులు ఉన్నాయి.
India Day Parade: అంగరంగ వైభవంగా న్యూయార్క్ లో ‘ ఇండియా డే పరేడ్ ‘ వేడుకలు..
ఒక సీనియర్ అధికారి మాట్లాడుతూ.., సమాచారం మేరకు, పోలీసులు సంఘటనా స్థలానికి చేరుకుని బాలికను వైద్య పరీక్షల కోసం తీసుకువెళ్లారు. అందులో పాప అత్యాచారానికి గురైనట్లు నిర్ధారించబడింది. సంఘటనా స్థలాన్ని పరిశీలించడానికి ఫోరెన్సిక్ బృందాన్ని కూడా పిలిచారు. ఆదివారం తెల్లవారుజామున 2 గంటల సమయంలో ఓ వ్యక్తి బాలికను తీసుకెళ్తున్నట్లు సీసీటీవీ కెమెరాలో కనిపించిందని అసిస్టెంట్ పోలీస్ కమిషనర్ అనిల్ కుమార్ తెలిపారు. సీసీటీవీ రికార్డింగ్ను పరిశీలిస్తున్నామని, నిందితులను గుర్తించేందుకు ప్రయత్నిస్తున్నామని తెలిపారు. మధ్యప్రదేశ్ కు చెందిన ఈ కుటుంబం జోధ్పూర్లోని మురికివాడలో నివసిస్తోంది. అమ్మాయి తండ్రి చెత్త ఏరుకొని జీవితం సాగిస్తుండగా.. ఆమె తల్లి మానసిక సమస్యలతో బాధపడుతోంది. బాధితురాలికి ఐదేళ్ల అన్నయ్య కూడా ఉన్నారని డిప్యూటీ కమిషనర్ ఆఫ్ పోలీస్ (వెస్ట్) రాజేష్ కుమార్ యాదవ్ తెలిపారు. నిందితుడిని గుర్తించి వీలైనంత త్వరగా అరెస్ట్ చేసేందుకు పోలీసులు ప్రయత్నాలు చేస్తున్నారని యాదవ్ తెలిపారు. అనే కోణంలో తదుపరి విచారణ కొనసాగుతోందని తెలిపారు.
Kolkata Rape Case: రేప్ కన్ఫర్మ్, నో ఫ్రాక్చర్… పోస్టుమార్టం నివేదిక ఏం చెబుతుందంటే.?
ప్రస్తుతం అత్యాచారం చేసిన వ్యక్తిని అదుపులోకి తీసుకొని పోలీసులు విచారిస్తున్నారు. ఇందుకు సంబంధించి పూర్తి వివరాలు తెలియలిసి ఉంది.