లింగ పరీక్షలో జీవశాస్త్రపరంగా పురుషుడిగా ప్రకటించిన తర్వాత గత సంవత్సరం ప్రపంచ ఛాంపియన్షిప్కు అనర్హులుగా ఉన్న అల్జీరియా మహిళా బాక్సర్ ఇమానే ఖలీఫ్ సోషల్ మీడియాలో ట్రోల్ అయిన విషయం తెలిసిందే.. ఆమే ఒలింపిక్స్లో పాల్గొనడంపై ప్రశ్నలు తలెత్తుతున్నాయి. ఇమానేతో జరిగిన మొదటి మ్యాచ్లో ఆమె ప్రత్యర్థి ఏంజెలా కారిని 46 సెకన్ల తర్వాత ముక్కుపై గుద్దడంతో ఎలిమినేట్ అయింది. ఇమానేతో పాటు మహిళల విభాగంలో తైవాన్కు చెందిన లిన్ యు-టింగ్ ఒలింపిక్స్ లో పాల్గొనడంపై గత కొన్ని రోజులుగా వివాదం నడుస్తోంది. ఎన్ని వివాదాలు ఉన్నప్పటికీ.. ఇమానే, లిన్ ఆడటానికి అర్హులని అంతర్జాతీయ ఒలింపిక్ కమిటీ (IOC) చెప్పింది.
Read Also: Gottipati Ravi Kumar: థర్మల్ పవర్ ప్లాంట్ యాష్ పాండ్కు గండి.. మంత్రి సీరియస్.. !
అయితే.. ఇప్పుడు ఇమానే మహిళల బాక్సింగ్లో 66 వెయిట్ కేటగిరీ సెమీ-ఫైనల్కు చేరుకుంది. ఆమె దేశానికి పతకాన్ని (కాంస్యం) అందించింది. ఆమె క్వార్టర్ ఫైనల్స్లో హంగేరీకి చెందిన అనా లుకా హమోరీని 5–0తో ఓడించింది. దీంతో.. అల్జీరియా ఏడో పతకాన్ని గెలుచుకున్న బాక్సర్గా నిలిచింది. మహిళల బాక్సింగ్లో అల్జీరియాకు ఇదే తొలి ఒలింపిక్ పతకం. ఖలీఫ్, లిన్ కూడా 2021లో టోక్యో ఒలింపిక్స్లో పోటీలో పాల్గొన్నారు కానీ పతకం సాధించలేదు. అయితే.. తాజాగా విజయం, పతకం ఖాయం చేసుకున్న ఇమానే బాక్సింగ్ రింగులోనే కన్నీళ్లు పెట్టుకుంది.
ఈ క్రమంలో ప్రత్యర్థి బాక్సర్ అనా లూకా మ్యాచ్ తర్వాత మాట్లాడుతూ.. ‘ఇది కఠినమైన మ్యాచ్, కానీ నేను పోరాటానికి ముందు కోరుకున్నదంతా చేశానని అనుకుంటున్నాను. ఇది మంచి పోరాటమని నేను భావిస్తున్నాను. నేను నా గురించి చాలా గర్వపడుతున్నాను. ఇక్కడ వరకు వచ్చినందుకు చాలా సంతోషంగా ఉంది. నేను ప్రతి బౌట్ను ఆస్వాదించగలిగాను.. నేను ఒక్క క్షణం కూడా నిరాశ చెందలేదు. ఇది ఇప్పుడు పరిస్థితి, కానీ భవిష్యత్తులో ఏమి జరుగుతుందో ఎవరికి తెలియదు. నేను ఆటగాడిలా ప్రవర్తించడానికి ప్రయత్నించాను.’ అని తెలిపింది. పారిస్ ఒలింపిక్స్లో బాక్సర్లు ఇమానే ఖలీఫ్.. లిన్ యు-టింగ్లపై ‘ద్వేషపూరిత భాష’ పూర్తిగా ఆమోదయోగ్యం కాదని ఐఓసి అధ్యక్షుడు థామస్ బాచ్ అన్నారు.