GHMC : ప్రశాంతంగా ముగిసిన జీహెచ్‌ఎంసీ లోకల్ బాడీ ఎమ్మెల్సీ ఎన్నికలు

GHMC : గ్రేటర్ హైదరాబాద్ మున్సిపల్ కార్పొరేషన్ (GHMC) పరిధిలో జరిగిన లోకల్ బాడీ ఎమ్మెల్సీ ఎన్నికలు సోమవారం ప్రశాంతంగా ముగిశాయి. మొత్తం పోలింగ్ శాతం 78.57 గా నమోదైంది. ఉదయం ప్రారంభమైన ఓటింగ్ నిరాటంకంగా కొనసాగింది. ఈ ఎన్నికల్లో మొత్తం 88 ఓట్లు నమోదు అయ్యాయి. అందులో 66 మంది కార్పొరేటర్లు, 22 మంది ఎక్స్ అఫీషియో సభ్యులు తమ ఓటు హక్కును వినియోగించుకున్నారు. ఉదయం ప్రారంభమైన పోలింగ్ సజావుగా కొనసాగి సాయంత్రం 4 గంటలకు ముగిసింది. ఈ ఎన్నికల పోలింగ్‌లో బీజేపీ, కాంగ్రెస్, ఎంఐఎంకు చెందిన కార్పొరేటర్లు, ఎక్స్ అఫీషియో సభ్యులు తమ ఓటు హక్కును వినియోగించుకున్నారు. అయితే, బీహెచ్‌ఆర్ఎస్ (BRS) పార్టీకి చెందిన కార్పొరేటర్లు, ఎక్స్ అఫీషియో సభ్యులు మాత్రం పోలింగ్‌కు దూరంగా ఉన్నారు. ఇది రాజకీయంగా ఒక కీలక పరిణామంగా అభివర్ణించబడుతోంది.

ఈ లోకల్ బాడీ ఎన్నికల ఓట్ల లెక్కింపు (కౌంటింగ్) ఈనెల 25న ఉదయం 8 గంటలకు జిహెచ్ఎంసి ప్రధాన కార్యాలయంలో ప్రారంభమవుతుంది. అధికార యంత్రాంగం ఇప్పటికే లెక్కింపుకు సంబంధించిన ఏర్పాట్లను పూర్తి చేసింది. ఎన్నికల కమిషన్ పర్యవేక్షణలో కౌంటింగ్ జరగనుంది. ప్రతిపక్ష పార్టీలు పాల్గొనడం, ఓటింగ్ శాతం 78.57కి చేరడం, ప్రశాంతంగా ఎన్నిక ముగియడం వంటి అంశాలు ఈ ఎన్నికలలో ప్రజాస్వామ్య విజయాన్ని సూచిస్తున్నట్లు విశ్లేషకులు అభిప్రాయపడుతున్నారు. ఇక ఫలితాల కోసం ఇప్పుడు రాజకీయ వర్గాలు ఆసక్తిగా ఎదురు చూస్తున్నాయి.

HYDRAA : మారిన హైడ్రా లోగో.. ఇకపై కొత్త లోగోతో హైడ్రా కార్యకలాపాలు