హోండా కంపెనీ బైకులకు మార్కెట్ లో ఎలాంటి క్రేజ్ ఉంటుందో వేరే చెప్పక్కర్లేదు. క్వాలిటీ, ఫీచర్లు వాహనదారులను అట్రాక్ట్ చేస్తుంటాయి. తాజాగా హోండా మోటార్ హోండా CB350C ప్రత్యేక ఎడిషన్ భారత మార్కెట్లో విడుదల చేసింది. ఇంజిన్లో ఎటువంటి మార్పులు చేయలేదు. కంపెనీ అందించిన సమాచారం ప్రకారం.. స్పెషల్ ఎడిషన్ మోటార్ సైకిల్ లో స్పెషల్ ఎడిషన్ స్టిక్కర్లు, వివిధ భాగాలపై కొత్త చారల గ్రాఫిక్స్ ఉన్నాయి. వెనుక గ్రాబ్ రైల్ కూడా క్రోమ్-ఫినిష్ చేయబడింది. సీటు నలుపు, గోధుమ రంగులలో పూర్తయింది. ఇది రెబెల్ రెడ్ మెటాలిక్, మాట్టే డ్యూన్ బ్రౌన్ కలర్ ఆప్షన్లలో కూడా వస్తుంది.
Also Read:AU Agitation : ఆంధ్రా యూనివర్సిటీ విద్యార్థుల ఆందోళనపై అసెంబ్లీలో స్పందించిన లోకేష్..
హోండా 348.36cc, సింగిల్-సిలిండర్ ఇంజిన్ను అందిస్తుంది. ఇది 15.5 kW శక్తిని, 29.5 Nm టార్క్ను ఉత్పత్తి చేస్తుంది. ఇది ఐదు-స్పీడ్ ట్రాన్స్మిషన్తో జత చేశారు. డిజిటల్-అనలాగ్ మీటర్, అసిస్ట్, స్లిప్పర్ క్లచ్, హోండా సెలెక్టబుల్ టార్క్ కంట్రోల్, డ్యూయల్-ఛానల్ ABS, LED లైట్లు, LED ఇండికేటర్లు వంటి అద్భుతమైన ఫీచర్లను కలిగి ఉంది. హోండా ఈ స్పెషల్ ఎడిషన్ మోటార్సైకిల్ను భారత మార్కెట్లో రూ. 2.01 లక్షల (ఎక్స్-షోరూమ్) ధరకు విడుదల చేసింది. బుకింగ్లు కూడా ప్రారంభమయ్యాయి. అక్టోబర్ మొదటి వారంలో డెలివరీలు ప్రారంభమవుతాయని కంపెనీ తెలిపింది.