బాలీవుడ్ నటి హేమమాలినికి అరుదైన గౌరవం

బాలీవుడ్ సీనియర్ నటి, రాజకీయ నాయకురాలు హేమమాలినికి అరుదైన గౌరవం దక్కింది. ఆమెకు ఇండియన్ ఫిల్మ్ పర్సనాలిటీ ఆఫ్ ది ఇయర్ అవార్డును కేంద్ర ప్రభుత్వం ప్రకటించింది. ఈ విషయాన్ని కేంద్ర మంత్రి అనురాగ్ ఠాకూర్ వెల్లడించారు. భారత చలనచిత్ర రంగానికి హేమమాలిని చేసిన సేవలకు గుర్తింపుగా ఈ అవార్డు ప్రదానం చేస్తున్నట్లు ఆయన తెలిపారు.

Read Also: ఏపీకి ఏకైక రాజధాని అమరావతే: నటుడు శివాజీ

నవంబర్ 20 నుంచి 28 వరకు గోవాలో జరగనున్న ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (IFFI)లో ఆమెకు ఈ పురస్కారాన్ని ప్రదానం చేయనున్నట్లు మంత్రి అనురాగ్ ఠాకూర్ తెలిపారు. హేమమాలినితో పాటుగా ఈ అవార్డును CBFC ఛైర్‌పర్సన్ ప్రసూన్ జోషి కూడా అందుకోనున్నారు. కాగా గత సంవత్సరం ఈ అవార్డును ప్రముఖ నటుడు, దర్శకుడు బిస్వజిత్ ఛటర్జీకి ప్రదానం చేశారు .