Gopichand: జీరో లేకుంటే ఆ హీరో సినిమా హిట్టయ్యేలా లేదు

Gopichand: హీరో గోపీచంద్ తెలుగు ప్రేక్షకులకు పరిచయం అక్కర్లేని పేరు. జయం, వర్షం, నిజం సినిమాల్లో ప్రేక్షకులను తనదైన విలనిజంతో ఆకర్షించాడు. ఆ తర్వాత యజ్ఞం, రణం, లక్ష్యం, సాహసం, లౌక్యం లాంటి సినిమాలలో హీరోగా నటించాడు. అయితే ఈ సినిమాలన్నీ హీరో గోపీచంద్ కి మంచిగా గుర్తింపును తెచ్చి పెట్టిన విషయం తెలిసిందే. ఈ సినిమాలన్నింటిలో ఆయనకు ఒక సెంటిమెంట్ ఉంది. అదే టైటిల్స్ చివరలో సున్నా ఉండటం. ఆ సెంటిమెంట్ గోపీచంద్ కు బాగా కలిసి వచ్చింది. హీరోగా, విలన్ గా మంచి గుర్తింపు దక్కడంతో ఆ సెంటిమెంట్‌ను వదలను అంటున్నాడు గోపీచంద్‌.

Read Also: Sundeep Kishan : రెజీనాతో పీకల్లోతు ప్రేమలో ఉన్న సందీప్ కిషన్

సినిమా పేరు చివర జీరో లేని సినిమాలన్నీ అపజయాలే కావడంతో తన అపజయాలకు బ్రేక్ వేయాలంటే పాత దారినే నమ్ముకోవాలి అనుకుంటున్నాడు. ఈ క్రమంలోనే తాజాగా శ్రీవాస్ దర్శకత్వంలో తెరకెక్కబోతున్న సినిమాకు టైటిల్ చివర జీరో ఉండే విధంగా జాగ్రత్త పడ్డారు. ఈ చిత్రానికి రామబాణం పేరును ఖరారు చేసినట్లు టాక్. ఈ సినిమాలో గోపీచంద్ సరసన డింపుల్ హయతి హీరోయిన్ గా నటించనుంది. మరి గోపీచంద్ నమ్మకున్న విధంగా ఈ రామ బాణం సినిమా మంచి సక్సెస్ ని తెచ్చి పెడుతుందో లేదో చూడాలి మరి. ఇకపోతే గోపీచంద్ నటించిన సినిమాల్లో ఒంటరి, వాంటెడ్, జిల్, ఆక్సిజన్, చాణక్య , అరడుగుల బుల్లెట్ లాంటి సినిమాలన్ని డిజాస్టర్లుగా నిలిచాయి. ఈ సినిమా చివర్లలో సున్నా లేకపోవడంతో ప్లాప్ అయి ఉంటాయని అనుకుంటున్నారు గోపీచంద్. మరి గోపీచంద్ నమ్ముకున్న జీరో టైటిల్ ఉన్న రామబాణం సినిమా గోపీచంద్ కు సక్సెస్ ను తెచ్చి పెడుతుందో లేదో చూడాలి మరి.