Gold Price Today: మగువలకు బిగ్ షాక్.. భారీగా పెరిగిన బంగారం ధరలు! తులంపై ఏకంగా రూ. 1530

Gold Price Today in Hyderabad on 15th October 2023: పసిడి ప్రియులకు బంగారం ధరలు భారీ షాక్ ఇచ్చాయి. నిన్నటి వరకు కొద్ది మొత్తంలో పెరుగుతూ వచ్చిన పసిడి ధరలు.. నేడు ఊహించని విధంగా పెరిగాయి. ఏకంగా 10 గ్రాముల బంగారం ధరపై రూ. 1530లు పెరిగింది. బులియన్ మార్కెట్‌లో ఆదివారం (అక్టోబర్ 15) 22 క్యారెట్ల 10 గ్రాముల బంగారం ధర రూ. 55,400 ఉండగా.. 24 క్యారెట్ల 10 గ్రాముల బంగారం ధర రూ. 60,440గా ఉంది. నిన్నటితో పోల్చుకుంటే 22 క్యారెట్ల బంగారం ధరపై రూ. 1400 పెరగ్గా.. 24 క్యారెట్ల బంగారం ధరపై రూ. 1530 పెరిగింది. ఈ పసిడి ధరలు దేశీయ మార్కెట్లో నేటి ఉదయం నమోదైనవి. గుడ్‌రిటర్న్స్ వెబ్‌సైట్ ప్రకారం.. దేశంలోని ప్రధాన నగరాల్లో నేటి బంగారం ధరలు ఎలా ఉన్నాయో చూద్దాం.

ఢిల్లీలో 22 క్యారెట్ల 10 గ్రాముల బంగారం ధర రూ. 55,550లుగా ఉండగా.. 24 క్యారెట్ల బంగారం ధర రూ. 60,590గా ఉంది. చెన్నైలో 22 క్యారెట్ల 10 గ్రాముల బంగారం ధర రూ. 55,550లు ఉండగా.. 24 క్యారెట్ల పసిడి ధర రూ. 60,600గా నమోదైంది. ముంబై, బెంగళూరు, కేరళ, హైదరాబాద్‌, వరంగల్, విజయవాడ, విశాఖపట్నంలో 22 క్యారెట్ల 10 గ్రాముల పసిడి ధర రూ. 55,440 ఉండగా.. 24 క్యారెట్ల ధర రూ. 60,440గా కొనసాగుతోంది.

Also Read: SBI: నిలిచిపోయిన ఎస్బీఐ నెట్ బ్యాంకింగ్ సేవలు.. ఇబ్బందుల్లో వినియోగదారులు

మరోవైపు వెండి ధరలు కూడా పెరిగాయి. దేశీయ మార్కెట్‌లో కిలో వెండి ధర నేడు రూ. 74,100లుగా ఉంది. నిన్నటితో పోల్చుకుంటే కిలో వెండి ధరపై రూ. 1500 పెరిగింది. ముంబైలో కిలో వెండి ధర రూ. 74,100లు ఉండగా.. చెన్నైలో రూ. 77,000గా నమోదైంది. బెంగళూరులో కిలో వెండి ధర రూ. 71,500గా ఉండగా.. హైదరాబాద్‌లో రూ. 77,000లుగా ఉంది. వరంగల్, విజయవాడ, విశాఖపట్నంలో కిలో వెండి ధర రూ. 77,000గా కొనసాగుతోంది.