దీపావళి ఎఫెక్ట్‌ : దిగివచ్చిన బంగారం ధరలు

ఇండియాలో పసిడికి ఉన్న డిమాండ్‌ మరేదానికి ఉండదు. ఇక పెళ్లిళ్ల సీజన్‌ వస్తే… మాత్రం… బంగారం ధరలు అమాంతం పెరిగిపోతాయి. అయితే… గ‌త కొన్ని రోజులుగా పెరుగుతూ, కొద్దిగా తగ్గుతూ వ‌చ్చిన బంగారం ధ‌ర‌ల్లో ఈరోజు భారీ మార్పులు చోటుచేసుకున్నాయి. బంగారం ధ‌ర‌లు భారీగా త‌గ్గుముఖం ప‌ట్టాయి.

హైద‌రాబాద్ బులియ‌న్ మార్కెట్లో ధ‌ర‌లు ఇలా ఉన్నాయి. 10 గ్రాముల 22 క్యారెట్ల బంగారం ధ‌ర రూ. 250 తగ్గి రూ. 44,550 కి చేరింది. 10 గ్రాముల 24 క్యారెట్ల బంగారం ధ‌ర రూ. 270 తగ్గి రూ. 48,600కి చేరిది. దేశీయంగా మార్కెట్లు తిరిగి క్రమంగా పుంజుకోవ‌డంతో బంగారం ధ‌ర‌లు తగ్గుముఖం ప‌డుతున్నాయి. ఇక బంగారం ధ‌ర‌లు దారిలోనే వెండి ధ‌ర‌లు కూడా తగ్గిపోయాయి. కిలో వెండి ధ‌ర రూ. 1300 తగ్గి రూ. 67,600 వ‌ద్ద కొనసాగుతోంది.