Email Address: మీ పాత జీమెయిల్ ఐడీ నచ్చలేదా?.. కొత్త ఫీచర్‌తో ఈమెయిల్ అడ్రస్ సులభంగా మార్చుకోండి.. డేటా సేఫ్

20 సంవత్సరాల తర్వాత Google తన Gmail సేవలో ఒక పెద్ద మార్పు తీసుకొచ్చింది. ఇప్పుడు Gmail వినియోగదారులు తమ @gmail.com ఈమెయిల్ చిరునామా (యూజర్‌నేమ్)ను మార్చుకోవచ్చు. ఇందులో ఖాతా డేటా, ఈమెయిల్స్, ఫోటోలు, Google Drive, Photos, YouTube, Maps వంటి అన్ని సేవలు పూర్తిగా సేఫ్‌గా ఉంటాయి. ఈ కొత్త ఫీచర్ వినియోగదారులకు చాలా సౌకర్యవంతంగా ఉంటుంది. ప్రొఫెషనల్ లేదా పర్సనల్ కారణాల వల్ల చిరునామా మార్చుకోవాలనుకునే వారికి ఇది బిగ్ రిలీఫ్.

Also Read:GST Collections: జీఎస్‌టీ ఆదాయం జోరు.. మార్చిలో 8.8% వృద్ధి, రూ.2 లక్షల కోట్ల మార్కు

ఈ ఫీచర్ ఎందుకు ముఖ్యం?

చాలా మంది వినియోగదారులు టీనేజ్ లేదా కాలేజ్ రోజుల్లో క్రియేట్ చేసిన ఈమెయిల్ చిరునామాలు (ఉదా: coolguy2007@gmail.com, loveguru123@gmail.com వంటివి) ఇప్పుడు ఇబ్బందికరంగా ఉంటాయి. ఇంతకు ముందు ఈమెయిల్ మార్చాలంటే కొత్త ఖాతా సృష్టించి, డేటా మాన్యువల్‌గా బదిలీ చేయాల్సి వచ్చేది. ఇప్పుడు ఆ అవసరం లేదు.

ఈ ఫీచర్ ఎలా పని చేస్తుంది?

మీరు కొత్త @gmail.com చిరునామాను ఎంచుకుంటే, పాత చిరునామా ఆటోమేటిక్ గా ఆల్టర్నేట్ ఈమెయిల్ (alias) గా మారుతుంది.
పాత చిరునామాకు వచ్చే అన్ని ఈమెయిల్స్ కూడా మీ ఇన్‌బాక్స్‌లోనే వస్తాయి.
లాగిన్ చేయడానికి పాత లేదా కొత్త చిరునామా ఏదైనా ఉపయోగించవచ్చు.
ఖాతాలోని డేటా (ఈమెయిల్స్, ఫైల్స్, హిస్టరీ) పూర్తిగా అలాగే ఉంటాయి.
Google సేవలన్నీ (Gmail, Drive, Photos, YouTube, Play Store మొదలైనవి) అదే ఖాతాతోనే కొనసాగుతాయి.

ఎన్ని సార్లు మార్చవచ్చు?

మొత్తం 3 సార్లు (అసలు చిరునామా కలిపి 4 యూజర్‌నేమ్‌లు). ఒక్క సారి మార్చిన తర్వాత మళ్లీ మార్చాలంటే కనీసం 12 నెలలు (1 సంవత్సరం) వేచి ఉండాలి.
మార్చిన తర్వాత 12 నెలల పాటు మళ్లీ మార్చడం లేదా తొలగించడం సాధ్యం కాదు.
కొత్త చిరునామా అందుబాటులో ఉండాలి (ఇప్పటికే ఉన్నది కాకూడదు).
ఈ ఫీచర్ ప్రస్తుతం US వినియోగదారులకు మాత్రమే అందుబాటులో ఉంది. ఇతర దేశాలు (భారతదేశం సహా)లో క్రమంగా విస్తరిస్తుందని Google తెలిపింది.

Gmail చిరునామా ఎలా మార్చాలి?

మీ బ్రౌజర్‌లో myaccount.google.comకి వెళ్లి లాగిన్ అవ్వండి.
Personal info సెక్షన్‌కి వెళ్లండి.
Email ఆప్షన్ ఎంచుకోండి.
Google Account email కింద “Change Google Account email” బటన్ కనిపిస్తే క్లిక్ చేయండి.
కొత్త యూజర్‌నేమ్ (ఉదా: yournewname@gmail.com) ఎంటర్ చేసి, అందుబాటులో ఉందో లేదో చెక్ చేయండి.
నిర్ధారించి మార్పు చేయండి.

మొబైల్‌లో (Android/iOS)

Gmail యాప్ లేదా Google అప్‌లో అదే విధంగా Google Account సెట్టింగ్స్‌లో చూడవచ్చు. ఈ ఆప్షన్ మీ ఖాతాకు ఇంకా అందుబాటులో లేకపోతే కొంత కాలం వేచి చూడండి. Google క్రమంగా అందరికీ విస్తరిస్తోంది.

Also Read:Lava Bold N2 Lite: 5,000mAh బ్యాటరీ, 13MP కెమెరాతో.. లావా బోల్డ్ N2 లైట్ విడుదల.. తక్కువ ధరకే

భద్రతా హెచ్చరిక

ఈ ఫీచర్ వచ్చిన తర్వాత ఫిషింగ్ స్కామ్‌లు పెరిగే అవకాశం ఉంది. “మీ Gmail చిరునామా మార్చండి” అని లింక్‌లు పంపి లాగిన్ వివరాలు అడిగే స్కామ్‌లు జాగ్రత్తగా ఉండండి. ఎప్పుడూ అధికారిక Google అకౌంట్ సెట్టింగ్స్ ద్వారా మాత్రమే మార్పు చేయండి.