Meloni: జీ 7 సదస్సులో ధూమపానంపై ఆసక్తికర సంభాషణ.. మెలోనికి అభినందనలు

Suresh Maddala
  • జీ 7 సదస్సులో ధూమపానంపై ఆసక్తికర సంభాషణ
  • మెలోని సంచలన నిర్ణయం.. నేతలు అభినందనలు
  • సోషల్ మీడియాలో వీడియో వైరల్
Meloni

Meloni

ఇటలీ ప్రధాని జార్జియో మెలోని సంచలన వ్యాఖ్యలు చేశారు. ఫ్రాన్స్‌లో జరుగుతున్న జీ 7 సదస్సులో మెలోని కీలక వ్యాఖ్యలు చేశారు. తాను ధూమపానం మానేసినట్లు చెప్పారు. దీంతో ప్రపంచ నేతలంతా మెలోనిని అభినందించారు.

మెలోనికి సిగరెట్ తాగే అలవాటు ఉంది. గతంలో అమెరికా అధ్యక్షుడు ట్రంప్ మాట్లాడుతూ.. మెలోని సిగరెట్ తాగడం మానేస్తే.. ఇంకా అందంగా ఉంటుందని చెప్పారు. అలాగే ఈజిప్ట్‌లో గాజా శాంతి సదస్సులో టర్కీ అధ్యక్షుడు ఎర్డోగాన్ కూడా ధూమపానం మానేయాలని సూచించారు. ‘‘మీరు చూడటానికి బాగున్నారు. కానీ మీరు ధూమపానం మానేయాలని నేను కోరుకుంటున్నాను.’’ అని వ్యాఖ్యానించారు. అప్పట్లో ఈ వీడియో తెగ వైరల్ అయింది.

×
×
Ad

Also Read

Add as a preferred
source on google

అసలేం జరిగిందంటే..


అయితే తాజాగా ఫ్రాన్స్ వేదికగా జీ 7 సదస్సు జరుగుతోంది. ఈ సమ్మిట్‌కు ప్రపంచ నేతలంతా ఒక్క దగ్గర సమావేశం అయ్యారు. మంగళవారం జీ 7 సమావేశం ప్రారంభానికి ముందు అనధికారంగా జరిగిన సంభాషణలో మళ్లీ మెలోని ధూమపానం ప్రస్తావన వచ్చింది. తాను రోజుకు మూడుసార్లు కాఫీ తాగుతానని మెలోని చెప్పుకొచ్చారు. దీనికి యూరోపియన్ కమిషన్ ప్రెసిడెంట్ ఉర్సులా వాన్ డెర్ లేయెన్ మాట్లాడుతూ.. ‘‘ఈ ఉదయాన్నేనా? మిమ్మల్ని నిద్రలేపడానికా?.’’ అని అడగ్గా.. జర్మన్ ఛాన్సలర్ ఫ్రెడ్రిక్ మెర్జ్.. ‘మరి సిగరెట్టా?’ అని బదులిచ్చారు. దీనికి మెలోని స్పందిస్తూ.. ‘‘లేదు.. నేను మానేశాను.’’ అని అన్నారు. అప్పుడు జపాన్ ప్రధానమంత్రి సనాయే తకైచి.. ‘‘మీరు ధూమపానం మానేశారా. చాలా మంచి పని.’’ అని అన్నారు. ఉర్సులా వాన్ డెర్ లేయెన్ కూడా.. ‘‘చాలా మంచి పని’’ చేశారంటూ అభినందించారు. అయితే మెలోని వ్యాఖ్యలు దగ్గరలో నిలబడిన రాజకీయ నాయకులను నవ్వించాయి. జర్మన్ ఛాన్సలర్ మెర్జ్.. ‘‘ఏంటి.. నిన్న రాత్రా?’’ అని సరదాగా అడగ్గా.. మెలోని వెంటనే ‘‘నెల రోజుల క్రితం’’ అని బదులిచ్చారు. తాను మే 1వ తేదీ నుంచి పొగత్రాగలేదని మెలోని వివరించారు.

జార్జియా మెలోని 1977లో రోమ్‌లో జన్మించారు. చిన్నతనంలోనే ఆమె తండ్రి ఆమెను, తల్లిని విడిచిపెట్టి వెళ్లిపోయారు. ఆమె తల్లి ఆమెను ఒంటరిగా పెంచింది. మెలోని 15 ఏళ్ల వయసులో రాజకీయాల్లోకి ప్రవేశించి.. 2006లో పార్లమెంటుకు ఎన్నికయ్యారు. సిగరెట్లు ఆమెకు రాజకీయ నాయకులతో సంబంధాలు ఏర్పరచుకోవడానికి సహాయపడ్డాయి. ‘ఐ యామ్ జార్జియా: మై రూట్స్, మై ప్రిన్సిపుల్స్.’’ అనే తన పుస్తకంలో 13 సంవత్సరాల క్రితం ధూమపానం మానేసిన తర్వాత తాను మళ్లీ మొదలుపెట్టినట్లు మెలోని వెల్లడించారు. ధూమపానం విదేశీ నాయకులతో మెరుగైన సంబంధాలను ఏర్పరచుకోవడానికి తనకు సహాయపడిందని సరదాగా మెలోని చెప్పారు.