Gautam Gambhir: న్యూజిలాండ్ పై భారత్ టీ20 వరల్డ్ కప్ 2026 ఫైనల్లో ఘన విజయం సాధించి ముచ్చటగా మూడోసారి టైటిల్ను కైవసం చేసుకుంది. ఈ విజయం జట్టుకు అంత సులువైన విషయం కాదు. టీ20 ప్రపంచ కప్ 2024 సాధించిన తర్వాత నుంచి కొత్తగా బాధ్యతలు చేపట్టిన సూర్య కుమార్ యాదవ్ నేతృత్వంలో టీమిండియా టీ20 ఫార్మేట్ లో వరుస విజయాలు అందుకుంటూ కాస్త బలంగానే సాగింది. ఈ విషయంలో జట్టు ఒక్కటే కాదు.. కోచ్ సహకారం కూడా ఎంతగానో పని చేసిందనడంలో సందేహం లేదు.
Hardik Pandya: గర్ల్ఫ్రెండ్ను ‘మిసెస్’గా పరిచయం చేసిన హార్దిక్.. గ్రౌండ్ లోనే ఇద్దరూ కలిసి?
జట్టు తాజా విజయంతో టీమిండియా కోచ్గా గౌతమ్ గంభీర్ ఓ అరుదైన రికార్డు సృష్టించాడు. భారత క్రికెట్ చరిత్రలో కోచ్గా రెండు ఐసీసీ టైటిళ్లు గెలిపించిన తొలి భారతీయుడిగా నిలిచాడు. భారత జట్టు హెడ్ కోచ్ బాధ్యతలు చేపట్టిన తర్వాత గంభీర్ జట్టును వరుస విజయాల దిశగా నడిపిస్తూ రెండు అంతర్జాతీయ ట్రోఫీలను సాధించాడు. గౌతమ్ గంభీర్ కోచ్గా ఐసీసీ ఛాంపియన్స్ ట్రోఫీ 2025 రూపంలో మొదటి ఐసీసీ టైటిల్ ను అందించాడు. ఆ టోర్నమెంట్ ఫైనల్లో కూడా భారత్ న్యూజిలాండ్ను ఓడించి ట్రోఫీని ముద్దాడింది. ఇక ఇప్పుడు టీ20 వరల్డ్ కప్ 2026 ఫైనల్లో కూడా న్యూజిలాండ్ను ఓడించడం ద్వారా గంభీర్ తన రెండో ఐసీసీ టైటిల్ ను కోచ్ గా సాధించడం విశేషం.
Suryakumar Yadav: ధోని సరసన సూర్య.. రిటైర్మెంట్పై క్లారిటీ ఇచ్చిన కెప్టెన్ సూర్యకుమార్ యాదవ్..
ఇక మరొక ప్రత్యేకత ఏమిటంటే.. కోచ్ గా మాత్రమే కాకుండా, ఆటగాడిగా కూడా గంభీర్ రెండు ఐసీసీ టైటిళ్లు గెలిచాడు. ఐసీసీ వరల్డ్ టీ20 వరల్డ్ కప్ 2007, ఐసీసీ క్రికెట్ వరల్డ్ కప్ 2011 విజయాల్లో కీలక పాత్ర పోషించాడు. దీంతో ఆటగాడిగా రెండు ఐసీసీ ట్రోఫీలు, కోచ్గా రెండు ఐసీసీ ట్రోఫీలు గెలిచిన తొలి భారతీయ క్రికెటర్గా గంభీర్ చరిత్రలో తనకంటూ ఒక ప్రత్యేక స్థానాన్ని లిఖించుకున్నాడు.
Hear Gautam Gambhir's raw reactions after winning the ICC Men's #T20WorldCup 2026! 🎙️ pic.twitter.com/Cs1kokSSRT
— Star Sports (@StarSportsIndia) March 8, 2026