Uttarkashi: దారి తప్పి నలుగురు పర్వతాధిరోహకుల మృతి..రంగంలోకి రెస్క్యూ టీం

కర్ణాటక ట్రెక్కింగ్ అసోసియేషన్‌కు చెందిన 22 మంది సభ్యుల ట్రెక్కింగ్ బృందం మే 29న ఉత్తరకాశీలోని సిల్లా గ్రామం నుంచి సహస్రతాల్‌కు బయలుదేరింది. భట్వాడి మల్లా-సిల్లా-కుష్కల్యాణ్-సహస్త్రాటల్ ట్రెక్కింగ్‌కు వెళ్లిన నలుగురు ట్రెక్కర్లు మరణించారు. 13 మంది ట్రెక్కర్లు తీవ్ర అస్వస్థతకు గురయ్యారు. అటవీ శాఖకు చెందిన పది మంది సభ్యులతో కూడిన రెక్సీ అండ్ రెస్క్యూ టీమ్ 8 మందిని రక్షించి డెహ్రాడూన్‌లోని హెలిప్యాడ్‌ వద్దకు తీసుకువచ్చింది. వారిని రెండు ట్రాక్టర్ల ద్వారా అక్కడికి తెచ్చింది.

READ MORE: Russia: అంతరిక్షంలో 1000 రోజులు గడిపి..రికార్డు సృష్టించిన మొదటి వ్యక్తి

సిల్లా-కుష్కల్యాణ్-సహస్త్రాటల్ ట్రాక్‌పై 22 మంది సభ్యుల ట్రెక్కింగ్ బృందం వచ్చింది. ఈ బృందంలో కర్ణాటక నుంచి 18 మంది సభ్యులు, మహారాష్ట్ర కు చెందిన ఒక సభ్యుడు ముగ్గురు స్థానిక గైడ్‌లు ఉన్నారు. మే 29న సహస్త్రాటల్‌కు ట్రెక్కింగ్ యాత్రకు వచ్చారు. ఈ ట్రాకింగ్ బృందం జూన్ 7 నాటికి తిరిగి రావాల్సి ఉంది. కాగా.. మంగళవారం చివరి శిబిరం నుంచి సహస్త్రాటల్‌కు చేరుకోగా.. అక్కడ ప్రతికూల వాతావరణం కారణంగా జట్టు దారి తప్పింది. సంబంధిత ట్రాకింగ్ ఏజెన్సీ శోధన సమయంలో బృందంలోని నలుగురు సభ్యులు మరణించారు. ట్రాక్‌లో చిక్కుకున్న మిగతా 13 మంది సభ్యులను వెంటనే రక్షించాలని అభ్యర్థించింది.

READ MORE: Balagam Mogilaiah: ‘బలగం’ మొగిలయ్యకు మరోసారి తీవ్ర అస్వ‌స్థ‌త‌.. ఆదుకోవాల‌ని భార్య కన్నీరు!

రెస్క్యూ కంట్రోల్ రూమ్‌కు అందిన సమాచారం ప్రకారం.. వైమానిక దళానికి చెందిన రెండు చేతక్ హెలికాప్టర్లు రెస్క్యూ చేస్తున్నాయి. తెహ్రీ జిల్లా యంత్రాంగం కూడా హెలి రెస్క్యూ కోసం అర్డాంగి హెలిప్యాడ్‌ను అలర్ట్ మోడ్‌లో ఉంచింది. అంబులెన్స్ బృందం, పోలీసు బృందాన్ని మోహరించారు. అటవీ శాఖ, SDRF పోలీసులు, స్థానిక ప్రజల బృందం కూడా తెహ్రీ జిల్లా నుంచి రెస్క్యూ కోసం వెళ్ళింది. సహస్త్రాల్ ట్రెక్ మార్గంలో చిక్కుకుపోయిన ట్రాకర్లను రక్షించడానికి విమాన సేవలు కూడా శోధిస్తున్నాయి. జిల్లా యంత్రాంగం అభ్యర్థన మేరకు వైమానిక దళానికి చెందిన రెండు చేతక్ హెలికాప్టర్లను ఆపరేషన్‌లో మోహరించారు.