Shahid Afridi: చాలాసార్లు చెప్పాను.. బౌలింగ్ ఎక్కడ చేయాలో తెలియదు.. అల్లుడు షాహీన్‌పై షాహిద్ అఫ్రిదీ ఆగ్రహం

పాకిస్తాన్ మాజీ కెప్టెన్ షాహిద్ అఫ్రిదీ తన అల్లుడు, స్టార్ పేసర్ షాహీన్ షాహ్ అఫ్రిదీపై తీవ్ర ఆగ్రహం వ్యక్తం చేశారు. టీ20 వరల్డ్ కప్ 2026లో పాకిస్తాన్ టీమ్ నిరాశపరిచిన ప్రదర్శన, ముఖ్యంగా షాహీన్ బౌలింగ్‌లో పేలవమైన ప్రదర్శణ కారణంగా షాహిద్ అఫ్రిదీ ఈ విధంగా భావోద్వేగంతో మాట్లాడారు. టీవీ షోలో మాట్లాడుతూ, షాహిద్ అఫ్రిదీ షాహీన్ గురించి సంచలన వ్యాఖ్యలు చేశారు. “షాహీన్ ఇంత కాలంగా ఆడుతున్నాడు, కానీ అతనికి ఎక్కడ బౌలింగ్ చేయాలో తెలియదు. చివరి ఓవర్లలో ఏ లైన్, లెంగ్త్ ఉపయోగించాలో కూడా అర్థం చేసుకోలేదు. నేను అతనికి చాలాసార్లు చెప్పాను, కానీ అతను మళ్లీ మళ్లీ అదే తప్పులు చేస్తున్నాడు,” అని అఫ్రిదీ అన్నారు.

Also Read:Ai+ Pulse 2: 6000mAh బ్యాటరీతో Ai+ పల్స్ 2 రిలీజ్.. ప్రీమియం రేంజ్ ఫీచర్స్, ధర మాత్రం చాలా చౌక

పాకిస్తాన్ సూపర్ ఎయిట్స్ దశలో శ్రీలంకతో జరిగిన మ్యాచ్‌లో షాహీన్ బౌలింగ్ ఎంపికలు, ఫీల్డ్ సెట్టింగ్స్‌పై కూడా ఆయన తీవ్ర విమర్శలు చేశారు. “రైట్ హ్యాండర్ బ్యాట్స్‌మన్ ఆడుతుంటే రౌండ్ ది వికెట్ బౌలింగ్ చేయకూడదు. అలా చేస్తే ఇన్‌సైడ్ వికెట్‌కు టార్గెట్ చేయాలి. థర్డ్ మ్యాన్, పాయింట్ ఫీల్డర్లు అప్‌లో ఉంటే ఆఫ్ స్టంప్ బయట బౌలింగ్ చేస్తే ఆసియా పిచ్‌లపై సులభంగా లాబ్ షాట్లు వస్తాయి,” అని వివరించారు. టీ20 వరల్డ్ కప్ నుంచి పాకిస్తాన్ క్విట్ అయిన తర్వాత షాహిద్ అఫ్రిదీ ఈ విధంగా ఆగ్రహంతో మాట్లాడటం గమనార్హం. ఇది షాహీన్ బౌలింగ్‌లో పదేపదే వచ్చిన వైఫల్యాలపై ఆయన అసంతృప్తిని సూచిస్తుంది.

Also Read:CM Revanth Reddy: రాహుల్‌ని ప్రధానిని చేయడమే లక్ష్యం.. ఆయన దేశం కోసం పీఎం కావాలి..

గతంలో కూడా భారత్‌తో జరిగిన మ్యాచ్ ఓటమి తర్వాత షాహీన్‌తో పాటు బాబర్ అజామ్, షదాబ్ ఖాన్‌లను డ్రాప్ చేయాలని అఫ్రిదీ సూచించారు. అయితే, గతంలో ఒకసారి షాహీన్‌ను తన XI నుంచి డ్రాప్ చేసి, అతని ఈగోను దెబ్బతీసి గుస్సా పుట్టించాలని ఉద్దేశపూర్వకంగా చేశానని షాహిద్ అఫ్రిదీ చెప్పారు. అది పనిచేసి షాహీన్ మంచి ప్రదర్శన చూపించాడని కూడా పేర్కొన్నారు. కానీ ఈసారి వరల్డ్ కప్ ఎగ్జిట్ తర్వాత మాత్రం ఆయన ఆగ్రహం మరింత తీవ్రంగా ఉంది. పాకిస్తాన్ క్రికెట్‌లో సీనియర్ ఆటగాళ్ల నిలకడలేని ఆటతీరు, టీమ్ ఓటములు కొనసాగుతున్న నేపథ్యంలో షాహిద్ అఫ్రిదీ వ్యాఖ్యలు మరింత చర్చనీయాంశంగా మారాయి.