Flydubai Attack: అల్-ఖైదా ఫోటోలు, తీవ్రవాద భావాలు.. కో-పైలట్ ఉగ్రకోణం బట్టబయలు..!
- Follow Us :
-
-
Add as a preferred
source on google
Flydubai Attack: ఇటీవల సెప్టెంబర్ 30న దుబాయ్ నుంచి ఇజ్రాయెల్ వెళ్తున్న ఫ్లైదుబాయ్ (FZ1073) విమానంలో అనుకోని ఊహించని ఘటన జరిగింది. కాక్పిట్లోనే విమానాన్ని కూల్చేసేందుకు, దాన్ని తన ఆధీనంలోకి తీసుకునేందుకు ఒమానీ సహాయ పైలట్ (కో-పైలట్) హమామ్ అల్-హమ్మమీ తీవ్రంగా ప్రయత్నించాడు. విమానంలో ఉన్న భారతీయ కెప్టెన్ స్మిత్ మచ్ఛార్పై దాడికి తెగబడ్డాడు. ప్రస్తుతం ఈ కో-పైలట్ యూఏఈ పోలీసుల కస్టడీలో ఉన్నాడు. ఆయన సోషల్ మీడియా ఖాతాల్లో అల్-ఖైదా ఉగ్రవాదుల ఫోటోలు, తీవ్రవాద వెబ్సైట్లను సందర్శించిన ఆనవాళ్లు, వివాదాస్పదమైన అతడి గత చరిత్ర బయటకు రావడంతో అసలు ఇలాంటి విపరీత మనస్తత్వం ఉన్న వ్యక్తి ఇజ్రాయెల్ వెళ్లే విమానం కాక్పిట్లోకి ఎలా రాగలిగాడనే ప్రశ్నలు తీవ్రంగా వ్యక్తమవుతున్నాయి.
ఘటన జరిగినప్పటి నుంచి యూఏఈ కస్టడీలో ఉన్న అల్-హమ్మమీ గురించి కొద్దిపాటి సమాచారం మాత్రమే బయటకు వచ్చింది. ఈ దాడి వెనుక ఉన్న వ్యక్తి తీవ్రమైన ఇస్లామిక్ తీవ్రవాద భావజాలానికి లోనయ్యాడని ఇజ్రాయెల్ ప్రధాని బెంజమిన్ నెతన్యాహు ఇదివరకే స్పష్టం చేశారు. అల్-హమ్మమీ తండ్రి ఒమాన్ దేశస్థుడు కాగా, తల్లి సిరియన్ అని తేలింది. అయితే అతడు తన జీవితంలో ఎక్కువ భాగం యూఏఈలోనే గడిపినట్లు సీబీఎస్ న్యూస్, సిఎన్ఎన్ కథనాలు వెల్లడించాయి. ఇతడి పౌరసత్వంపై ఒమాన్ ప్రభుత్వం ఇంకా అధికారిక ప్రకటన చేయలేదు.
Also Read
- Indian Sailors: కరాచీ పోర్టులో చిక్కుకున్న ఆరుగురు భారతీయులు.. పాక్తో భారత్ సంప్రదింపులు!
- New Scheme: ఆటో కార్మికులకు తెలంగాణ సర్కార్ గుడ్ న్యూస్.. 'ఆటో నగర్ కాలనీ' పేరుతో కొత్త స్కీమ్..
- Nerella Sharada : మహిళల జీవితాలతో ఆటలు.. ఫెర్టిలిటీ కేంద్రాలకు హెచ్చరిక
- Indiramma Sarees: ఇందిరమ్మ చీరల పంపిణీకి ముహూర్తం ఖరారు..
ఒకవేళ అల్-హమ్మమీకి ద్వంద్వ పౌరసత్వం (డ్యూయల్ సిటిజన్షిప్) ఉండి ఉంటే, ఇజ్రాయెల్ వెళ్లే విమానంలో పైలట్గా సేవలు అందించడానికి అతడికి ఎలా అనుమతి లభించిందో అర్థం చేసుకోవచ్చు. ఎందుకంటే ఒమాన్ దేశానికి ఇజ్రాయెల్తో ఎటువంటి దౌత్య సంబంధాలు లేవు. 2020 నాటి అబ్రహాం ఒప్పందాల ప్రకారం ఇజ్రాయెల్తో దౌత్య సంబంధాలు లేని దేశాల పైలట్లు టెల్ అవీవ్కు విమానాలు నడపడానికి వీల్లేదు. ఎనిమిది నెలల క్రితం ఫ్లైదుబాయ్లో చేరడానికి ముందు అల్-హమ్మమీ ఒమాన్ ఎయిర్, ఆ తర్వాత మొరాకో జాతీయ విమాన సంస్థ అయిన రాయల్ ఎయిర్ మొరాకోలో పనిచేశాడు. ఒమాన్ ఎయిర్లో పనిచేస్తున్న సమయంలోనే అతడి తీవ్రవాద ధోరణులు, రాడికల్ వెబ్సైట్లను సందర్శించే అలవాటు వెలుగులోకి వచ్చాయి. అతడి చర్యలపై అనుమానాలు రావడంతో ఒమాన్ ఎయిర్ యాజమాన్యం అతడిని విమానాలు నడిపే బాధ్యతల నుంచి తప్పించి, ఆఫీస్ డెస్క్ జాబ్కు పరిమితం చేసింది. అయితే ఆఫీసులో కూర్చుని పనిచేయడం నచ్చక 2025 ప్రాంతంలో ఒమాన్ ఎయిర్ను వదిలేశాడు.
అతడి లింక్డ్ఇన్ ప్రొఫైల్ ప్రకారం.. ఒమాన్ ఎయిర్లో ఏడేళ్లు పనిచేసిన తర్వాత జూన్ 2025లో రాయల్ ఎయిర్ మొరాకోలో చేరి, జనవరి 2026లో అక్కడ బయటకు వచ్చాడు. అయితే ఆ ప్రొఫైల్లో ఫ్లైదుబాయ్ ప్రస్తావన లేదు. సెప్టెంబర్ 30 ఘటన వెనుక ఉన్న వ్యక్తిదే ఈ ప్రొఫైల్ అని ఇండియా టుడే స్వతంత్రంగా ధృవీకరించలేకపోయినప్పటికీ, కాలక్రమం మాత్రం సరిగ్గా సరిపోతోంది. ఇజ్రాయెల్ ఛానెల్ 16తో మాట్లాడిన ఒక సహచర పైలట్, అల్-హమ్మమీ సుమారు ఎనిమిది నెలల క్రితం అంటే ఫిబ్రవరి 2026లో ఫ్లైదుబాయ్లో చేరినట్లు తెలిపారు. అతడు తీవ్రమైన మత పిచ్చి ఉన్నవాడని, విపరీతంగా ప్రార్థనలు చేసేవాడని, మహిళలతో చేతులు కలపడానికి కూడా ఇష్టపడేవాడు కాదని ది టైమ్స్ ఆఫ్ ఇజ్రాయెల్ కూడా పేర్కొంది. అంతేకాకుండా, అతడు యూకేలోని బకింగ్హామ్షైర్ న్యూ యూనివర్సిటీలో మూడేళ్ల ఏవియేషన్ మేనేజ్మెంట్ కోర్సును 2023లో పూర్తి చేసినట్లు యూనివర్సిటీ వర్గాలు ధృవీకరించాయి.
ఇక అతడి సోషల్ మీడియా ఖాతాల్లో లభించిన వివరాలు అత్యంత దిగ్భ్రాంతికరంగా ఉన్నాయి. ప్రస్తుతం డిలీట్ చేసిన అతడి లింక్డ్ఇన్ ప్రొఫైల్లో ఘటన జరిగిన బుధవారం నాడే రెండు పోస్టులు పబ్లిష్ అయ్యాయి. వీటిని అతడు ముందే షెడ్యూల్ చేసి పెట్టి ఉండవచ్చని భావిస్తున్నారు. మొదటి వీడియోలో బోయింగ్ 737 మ్యాక్స్ కాక్పిట్, దుబాయ్ ఎయిర్పోర్ట్లో ఉన్న ఇజ్రాయెల్ ఎల్ అల్ విమానం, ఒమాన్ ఎయిర్లో పనిచేసిన కాలానికి సంబంధించిన ఓ పాత వీడియో క్లిప్ ఉన్నాయి. ఈ వీడియో చివరలో 9/11 దాడుల సూత్రధారి, అల్-ఖైదా మాజీ అధినేత అయ్మన్ అల్-జవాహిరి ఫోటోతో పాటు, 2009లో ఏడుగురు సిఐఏ అధికారులతో సహా తొమ్మిది మందిని బలితీసుకున్న ఆత్మాహుతి దళ నాయకుడు హుమామ్ ఖలీల్ అబు-ములారాల్ అల్-బలావి ఫోటో కూడా ఉంది. ఇక రెండో వీడియోలో మెక్కా, మదీనా, జెరూసలేం పవిత్ర స్థలాలకు సంబంధించిన ఏఐ చిత్రాలు ఉన్నాయి.
అల్-హమ్మమీ ఎక్స్ (ట్విట్టర్) ఖాతాలోని పాత పోస్టులను సీఎన్ఎన్ పరిశీలించగా అతడి మహిళా వ్యతిరేక ఆలోచనలు బయటపడ్డాయి. ముసుగు (నిఖాబ్) వేసుకోవాలి, పెళ్లి తర్వాత ఉద్యోగం చేయకూడదు అనే తన కఠిన నిబంధనల వల్ల తనకు పిల్లనివ్వడానికి ఎవరూ ముందుకు రాలేదని, కానీ తన కొడుకు పైలట్ అని తల్లి చెప్పగానే వెంటనే ఒప్పుకున్నారని ఒక పోస్టులో రాసుకొచ్చాడు. అంతేకాకుండా, స్త్రీ పురుషులు కలిసి పనిచేసే ఆఫీసు వాతావరణం మహిళలను నాశనం చేస్తుందని, అది వారిని పతనం వైపు నడిపిస్తుందని 2022లో చేసిన మరో పోస్టులో రాశాడు. ఈ మొత్తం వ్యవహారంపై మాట్లాడిన ఇజ్రాయెల్ ప్రధాని నెతన్యాహు, ఆ పైలట్ తీవ్రమైన మతోన్మాదంతో విమానాన్ని ప్రయాణికులతో సహా కూల్చివేసేందుకే వచ్చాడని సంచలన వ్యాఖ్యలు చేశారు. అసలు ఈ ఒమానీ పైలట్ ఇజ్రాయెల్ విమాన సిబ్బందిలో ఎలా చేరాడు, అతడి వెనుక ఉన్న రహస్య కోణాలు ఏమిటనే దానిపై ప్రస్తుతం ఇజ్రాయెల్, యూఏఈ, సౌదీ అరేబియా ఏజెన్సీలు సంయుక్తంగా విచారణ జరుపుతున్నాయి.
తాజావార్తలు
-
Aakasam Lo Oka Tara: దుల్కర్ కోసం వస్తున్న మల్లు అర్జున్.. ‘ఆకాశంలో ఒక తార’కు బన్నీ బూస్ట్!
-
Indian Sailors: కరాచీ పోర్టులో చిక్కుకున్న ఆరుగురు భారతీయులు.. పాక్తో భారత్ సంప్రదింపులు!
-
Dil Raju – Anil Ravipudi: ఇప్పుడే 2028 సంక్రాంతి కర్చీఫ్ వేసిన దిల్ రాజు.. ఆ డైరెక్టర్తోనే సినిమా!
-
New Scheme: ఆటో కార్మికులకు తెలంగాణ సర్కార్ గుడ్ న్యూస్.. ‘ఆటో నగర్ కాలనీ’ పేరుతో కొత్త స్కీమ్..
-
Mouli: దొంగ నా కొడుకు.. దొరికేశాడు
ట్రెండింగ్
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?