Sambal: దారుణం.. బాలికను బంధించి 20రోజుల పాటు గ్యాంగ్ రేప్ చేసిన దుండగులు

Sambal: సంభాల్‌లో ఐదుగురు వ్యక్తులు 19 ఏళ్ల బాలికను కిడ్నాప్ చేసి 20 రోజుల పాటు సామూహిక అత్యాచారం చేశారు. ఈ మేరకు సోమవారం పోలీసులు సమాచారం అందించారు. ఈ నేరంలో మహిళలు కూడా పాల్గొన్నారని ఆరోపించారు. సంభాల్ కొత్వాలి పోలీస్ స్టేషన్‌లో వివిధ సెక్షన్ల కింద ఏడుగురిపై ఎఫ్‌ఐఆర్ నమోదైంది. ఏడుగురు నిందితులు పరారీలో ఉన్నారని, ఇంకా ఎవరినీ అరెస్టు చేయలేదని కేసు దర్యాప్తు చేస్తున్న ఎస్‌హెచ్‌ఓ అనుప్ శర్మ తెలిపారు. బాధితురాలు తెలిపిన వివరాల ప్రకారం.. సెప్టెంబర్ 27న ఆమెను మహ్మద్ అర్షద్, అసిమ్ కలిసి కిడ్నాప్ చేశారు. వారిద్దరూ ఆమెకు మత్తుమందు ఇచ్చి, ఆమెను మొరాదాబాద్ జిల్లాలోని తమ స్నేహితుడు ఆషిక్ ఖాన్ ఇంటికి తీసుకెళ్లారు, అక్కడ ముగ్గురు కలిసి ఆమెపై అత్యాచారం చేశారు.

Read Also:Vijay Deverakonda : ఫ్యామిలీ స్టార్ స్టోరీ రివీల్ చేసిన విజయ్ దేవరకొండ..

ఆ తర్వాత సోనీ హుస్సేన్, ఫైజ్ ఆలం కూడా బృందంలో చేరి ఆమెపై పలుమార్లు దాడి చేశారు. నిందితులకు సైరా బేగం, జెబా ఖాన్ అనే ఇద్దరు మహిళలు సహకరించారని బాధితురాలు తన ఫిర్యాదులో పేర్కొంది. అక్టోబరు 12న ఆ ఇంటి నుంచి తప్పించుకుని ఇంటికి తిరిగి వచ్చానని చెప్పింది. పరిస్థితి మెరుగుపడకపోవడంతో సోదరుడు ఓ ప్రైవేట్ ఆస్పత్రిలో చేర్పించాడు. అక్కడి నుంచి విడుదలైన తర్వాత పోలీసులను ఆశ్రయించాడు. సర్కిల్ ఆఫీసర్ (CO) జితేంద్ర కుమార్ సర్గామ్ మాట్లాడుతూ, “ ఒక యువతి పై ఏడుగురు కిడ్నాప్, సామూహిక అత్యాచారానికి పాల్పడ్డారు. ప్రాథమిక దర్యాప్తు తర్వాత నిందితులందరిపై సంబంధిత సెక్షన్ల కింద ఎఫ్ఐఆర్ నమోదు చేసాం. బాధితురాలిని వైద్య పరీక్షల నిమిత్తం పంపించారు. నిందితులను పట్టుకునేందుకు పలు బృందాలను నియమించారు.’’ అని తెలిపారు.

Read Also:Rohit-Kuldeep: రోహిత్ శర్మ, కుల్దీప్ యాదవ్ మధ్య తీవ్ర వాగ్వాదం.. వీడియో వైరల్!