Diwali Movies : దీపావళి బరిలో ఐదు క్రేజీ సినిమాలు.. ఆ రెండు స్పెషల్..

ప్రతి పండుగకు టాలీవుడ్ లో సినిమాల సందడి కాస్త ఎక్కువగా ఉంటుంది.. ఎక్కువగా సంక్రాంతి పండుగకు ఏ రేంజులో సినిమాల సందడి ఉంటుందో ప్రత్యేకంగా చెప్పాల్సిన పనిలేదు.. కానీ ఈ ఏడాది దీపావళికి కూడా సినిమాలు ఎక్కువగా విడుదల అవుతున్నాయి.. ఒకటి కాదు, రెండు కాదు ఏకంగా ఐదు సినిమాలు విడుదల కాబోతున్నాయి. ఆ సినిమాలు ఏంటో ఇప్పుడు ఒకసారి తెలుసుకుందాం..

సమ్మర్ లో విడుదల కావాల్సిన సినిమాలు అన్ని కూడా ఇప్పుడు దీపావళికి షిఫ్ట్ అయ్యాయి. గ్లోబల్ స్టార్ ఎన్టీఆర్ నటిస్తున్న దేవర సినిమా కోసం ఫ్యాన్స్ ఎప్పటి నుంచో వెయిట్ చేస్తున్నారు.. ఈ సినిమా కూడా దసరా కానుకగా విడుదల కాబోతుంది.. అలాగే పాన్ ఇండియా స్టార్ హీరో ప్రభాస్ నటిస్తున్న కల్కి సినిమా మొదట మే లో రిలీజ్ చెయ్యాలని అనుకున్నా కూడా ఏపీలో ఎన్నికల కారణంగా ఆ సినిమా కాస్త దసరా, దీపావళికి విడుదల కానుందని సమాచారం..

గ్లోబల్ స్టార్ రామ్ చరణ్‌ నటిస్తున్న గేమ్ ఛేంజర్. తమిళ డైరెక్టర్ శంకర్ దీన్ని పొలిటికల్ యాక్షన్ డ్రామాగా తెరకెక్కిస్తున్నాడు.. ఈ సినిమాను కూడా అక్టోబర్ చివరి వారంలో విడుదల చేసేందుకు మేకర్స్ ప్లాన్ చేస్తున్నారు..తమిళ స్టార్ హీరో సూర్య కెరీర్‌లోనే అత్యంత ఖరీదైన ప్రాజెక్ట్ కంగువ.. ఈ సినిమా పై భారీ అంచనాలే ఏర్పడ్డాయి.. ఈ సినిమా కూడా దీపావళి కానుకగా ప్రేక్షకుల ముందుకు రాబోతుందని సమాచారం.. సూపర్ స్టార్ రజనీకాంత్ వెట్టయన్. జై భీమ్ ఫేమ్ టీజే జ్ఞానవేల్ ఈ చిత్రానికి దర్శకత్వం వహిస్తున్నారు. ఈ సినిమా కూడా దీపావళికి సత్తా చాటేందుకు రెడీ అవుతుంది…ఇక గేమ్ ఛేంజర్, కంగువ సినిమాలపై భారీ బజ్ ఉంది.. మిగిలిన సినిమాలు కూడా గట్టి పోటి ఇస్తున్నాయి.. మరి ఏ సినిమా హిట్ టాక్ ను అందుకుంటుందో చూడాలి..