Donald Trump Win US Elections 2024: అమెరికా అధ్యక్ష ఎన్నికల్లో డొనాల్డ్ ట్రంప్ చరిత్రాత్మక విజయాన్ని నమోదు చేశారు. ఎన్నికల్లో గెలిచిన వెంటనే ఫ్లోరిడాలో జరిగిన ర్యాలీలో ఆయన ప్రసంగించారు. ఈ సందర్భంగా ఆయన మాట్లాడుతూ.. అమెరికాను గొప్ప దేశంగా తీర్చిదిద్దుతామన్నారు. రాబోయే సంవత్సరం బంగారుమయం అవుతుందని, ఈ విజయం అపురూపం అని ఆయన అన్నారు. ముఖ్యంగా మాకు స్వింగ్ రాష్ట్రాల పూర్తి మద్దతు లభించిందని ఆయన అన్నారు.
Read Also: Arshdeep Singh Record: ఆల్‌టైమ్‌ రికార్డుపై కన్నేసిన అర్ష్‌దీప్.. ‘ఒకే ఒక్కడు’ అవుతాడు!
ప్రస్తుతం ఎన్నికల పాలతల నేపథ్యంలో డొనాల్డ్ ట్రంప్ 277 స్థానాలలో విజయం సాధించగా, 226 స్థానాలలో కమలా హారిస్ విజయం సాధించారు. దీనితో విజయానికి 270 స్థానాలు అవసరం అవ్వగా.. దానిని దాటేసిన ట్రంప్ విజయాన్ని నమోదు చేసారు. ఇక విజయం అనంతరం నిర్వహించిన మీటింగ్ లో ట్రంప్ మాట్లాడుతూ.. రాబోయే కాలంలో అమెరికన్లకు సువర్ణ యుగం రాబోతుందని వ్యాఖ్యానించారు. ఈ ఎన్నికల సమయంలో రిపబ్లికన్లు ఎంతగానో పోరాడారని, తాను అమెరికా ప్రజల కోసం పని చేస్తానని తెలిపారు. ముఖ్యంగా తనకు ఎవరైతే మద్దతుగా నిలిచారో వారికి కృతజ్ఞతలని, టెస్లా అధినేత ఎలాన్ మస్క్ ను ట్రంప్ పొగడ్తలతో ముంచెత్తారు.
