Dinesh Karthik: టెస్టు క్రికెట్ను పాకిస్థాన్ మర్చిపోవడం మంచిది.. ఘోరమైన స్థితిలో పాక్ జట్టు..
- Follow Us :
-
-
Add as a preferred
source on google
ఇంగ్లండ్లో 0-3 తేడాతో టెస్ట్ సిరీస్ కోల్పోయి స్వదేశానికి తిరిగొచ్చిన పాకిస్థాన్ క్రికెట్ జట్టు తీరుపై మాజీ క్రికెటర్, వ్యాఖ్యాత దినేష్ కార్తీక్ తీవ్ర ఆందోళన వ్యక్తం చేశారు. పాకిస్థాన్ ప్రస్తుత జట్టు చాలా సాధారణంగా ఉందని, టెస్ట్ క్రికెట్కు వారు చేస్తున్నది అన్యాయమని పేర్కొన్నారు. నాస్సెర్ హుస్సేన్ అభిప్రాయంతో ఏకీభవిస్తూ, పాకిస్థాన్ జట్టు తీరు పట్ల నిరాశ చెందానని తెలిపారు. మొదటి రెండు టెస్ట్ మ్యాచ్ల్లో రెండు ఇన్నింగ్స్లు కలిపి కనీసం 90 ఓవర్లు కూడా ఆడలేకపోవడం దారుణమన్నారు. పిచ్లు సవాలుగా ఉన్నప్పటికీ, అంత తక్కువ ఓవర్లకు అవుట్ అయ్యేంత ఖచ్చితంగా ఆడలేని పిచ్లు కావని ఆయన అభిప్రాయపడ్డారు.
రెండు టెస్ట్ల తర్వాత జట్టులో ఏకంగా 7 మార్పులు చేయడం, హెడ్ కోచ్ సర్ఫరాజ్ అహ్మద్, బౌలింగ్ కోచ్ ఉమర్ గుల్లను తొలగించడం వంటి పరిణామాలు బోర్డులో అస్థిరతకు అద్దం పడుతున్నాయని కార్తీక్ విమర్శించారు. మూడో టెస్ట్లో కొత్తగా వచ్చిన రజావుల్లా మశ్వాని 63 బంతుల్లోనే 81 పరుగులు చేసి అదరగొట్టాడని, ఇలాంటి ప్రతిభావంతుడిని అసలు టూరింగ్ జట్టులో మొదటి నుంచి ఎందుకు ఎంపిక చేయలేదని ప్రశ్నించారు. ఎంపిక విధానంపై ప్రశ్నలు లేవనెత్తారు. కెప్టెన్సీ మార్పులు, కోచ్ల మార్పులతో జట్టులో ఏదీ సరిగ్గా లేదని, ప్రస్తుత ప్రదర్శన చూస్తుంటే పాకిస్థాన్ చాలా టెస్ట్ జట్లతో సమానంగా పోటీ పడలేదనిపిస్తోందని వాపోయారు.
Also Read
- Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
- Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
- India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
- Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
టెస్ట్ క్రికెట్లో పాకిస్థాన్కు గొప్ప చరిత్ర, వారసత్వం ఉందని, కానీ ప్రస్తుతం మాత్రం ఆ స్థాయికి ఎంతో దూరంలో ఉన్నారని కార్తీక్ ఆవేదన వ్యక్తం చేశారు. ఈ పరిస్థితులు ఆందోళనకరంగా ఉన్నాయని, సరైన వ్యక్తులు దీనిపై స్పందించి జట్టును గాడిలో పెట్టేందుకు అవసరమైన చర్యలు తీసుకుంటారని ఆశిస్తున్నానని, అయితే ప్రస్తుత పరిస్థితుల్లో అది అంత సులభం కాదని వ్యాఖ్యానించారు. రాయల్ ఛాలెంజర్స్ బెంగళూరు (RCB) మెంటర్గా వ్యవహరిస్తున్న కార్తీక్ వ్యాఖ్యలు క్రికెట్ వర్గాల్లో చర్చనీయాంశంగా మారాయి. పాకిస్థాన్ క్రికెట్ బోర్డు విధానాలు, జట్టు ప్రదర్శనపై వస్తున్న విమర్శలు ఆ జట్టు భవిష్యత్తుపై ప్రశ్నలు రేకెత్తిస్తున్నాయి.
తాజావార్తలు
-
Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
-
Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
-
India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
-
Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!