టాలీవుడ్ స్టార్ డైరెక్టర్ అనిల్ రావిపూడి తన మార్క్ కామెడీ టైమింగ్తో వరుస విజయాలను అందుకుంటున్నారు. అయితే ఆయనలో కేవలం గొప్ప దర్శకుడే కాకుండా ఒక అద్భుతమైన నటుడు కూడా ఉన్నాడని నిర్మాత దిల్ రాజు ఆసక్తికర వ్యాఖ్యలు చేశారు. తాజాగా ‘లవ్ ఇన్సూరెన్స్ కంపెనీ’ (LIC) ప్రీ-రిలీజ్ ఈవెంట్లో పాల్గొన్న దిల్ రాజు మాట్లాడుతూ.. అనిల్ రావిపూడిని నటుడిగా తానే వెండితెరకు పరిచయం చేస్తానని స్పష్టం చేశారు. గతంలో అనిల్ కథలు వినిపించడానికి తన వద్దకు వచ్చినప్పుడల్లా ఆయనలోని నటుడిని గమనించానని, అందుకే ఆయన్ని హీరోగా పెట్టి ఒక సినిమా నిర్మించాలనే ఆలోచన తనకు ఉందని దిల్ రాజు వెల్లడించారు.
Also Read : Sharwanand :శర్వానంద్ కి ఏమైంది? సక్సెస్ మీట్లలో ఆవేశం.. మాటల్లో తడబాటు.. అసలు కారణం ఇదేనా?
ప్రస్తుతం అనిల్ రావిపూడి విక్టరీ వెంకటేష్తో కలిసి ‘#VenkyAnil5’ అనే క్రేజీ ప్రాజెక్ట్తో బిజీగా ఉన్నారు. ఈ సినిమా తర్వాత దిల్ రాజు నిర్మాణంలో అనిల్ నటుడిగా మారే అవకాశం ఉందని ట్రేడ్ వర్గాల్లో చర్చ మొదలైంది. మరోవైపు, ప్రదీప్ రంగనాథన్ కృతి శెట్టి జంటగా నటించిన ‘లవ్ ఇన్సూరెన్స్ కంపెనీ’ చిత్రం ఏప్రిల్ 10న తెలుగులో విడుదల కాబోతోంది. ఇప్పటికే తెలుగు ఆడియెన్స్లో మంచి మార్కెట్ సంపాదించుకున్న ప్రదీప్, ఈ సినిమాతో మరో హిట్ అందుకుంటాడని చిత్రబృందం ధీమా వ్యక్తం చేస్తోంది. విఘ్నేష్ శివన్ దర్శకత్వంలో వస్తున్న ఈ సై-ఫై కామెడీ మూవీ ప్రేక్షకులను ఏ మేరకు మెప్పిస్తుందో చూడాలి.