యంగ్ టైగర్ ఎన్టీఆర్ మరియు ప్రశాంత్ నీల్ క్రేజీ కాంబినేషన్లో తెరకెక్కుతున్న ‘డ్రాగన్’ చిత్రంపై రోజురోజుకూ అంచనాలు పెరిగిపోతున్నాయి. ఇప్పటికే ఈ సినిమా షూటింగ్ వేగంగా జరుగుతుండగా తాజాగా చిత్ర యూనిట్ నుండి క్రేజీ అప్డేట్ వస్తోంది. ఇటీవల వరల్డ్ వైడ్ గా రికార్డ్స్ బద్దలు కొడుతున్న ‘ధురంధర్’ చిత్రంలో తన నటనతో మెప్పించిన బిమల్ ఒబెరాయ్ ఇప్పుడు డ్రాగన్ సినిమాలో కీలక పాత్రలో నటించబోతున్నారు.
Also Read : Stamina Health Tips : శృంగారంలో చెలరేగాలంటే తినాల్సిన ఫుడ్ ఇదే..
ఇటీవల విడుదలైన ‘ధురంధర్’ చిత్రంలో బిమల్ ఒబెరాయ్ పోషించిన ‘శ్రీరాని బలోచ్’ పాత్రకు ప్రేక్షకుల నుండి విశేష స్పందన లభించింది. తనదైన శైలిలో సీరియస్ అండ్ ఇంటెన్స్ పర్ఫార్మెన్స్తో ఆకట్టుకున్న బిమల్, ఇప్పుడు ప్రశాంత్ నీల్ విజన్లో భాగమయ్యారు. ప్రశాంత్ నీల్ తన సినిమాల్లోని ప్రతి పాత్రకూ ఒక ప్రత్యేకమైన గుర్తింపు ఉండేలా డిజైన్ చేస్తాడు. ఈ నేపథ్యంలో బిమల్ పాత్ర కూడా చాలా బలంగా ఉండబోతుందని తెలుస్తోంది. ప్రస్తుతం అందుతున్న సమాచారం ప్రకారం బిమల్ ఒబెరాయ్ ఈ సినిమాలో ఎన్టీఆర్కు ధీటైన ఒక కీలక పాత్రలో కనిపించనున్నారు. ఇది నెగటివ్ షేడ్స్ ఉన్న పాత్రనా లేక హీరోకు సపోర్టింగ్ రోలా అనేది ఇంకా తెలియాల్సి ఉన్నప్పటికీ ఆయన రాకతో సినిమాకు మరింత వెయిట్ పెరిగిందని చెప్పవచ్చు. ఇప్పటికే టోవినో థామస్ ఈ ప్రాజెక్ట్ నుండి తప్పుకోవడంతో, బిమల్ ఎంట్రీ ప్రాధాన్యత సంతరించుకుంది. మైత్రీ మూవీ మేకర్స్ నిర్మిస్తున్న ఈ చిత్రం ఇప్పటికే 60 శాతానికి పైగా షూటింగ్ పూర్తి చేసుకుంది. ప్రశాంత్ నీల్ మార్కు మేకింగ్తో ఎన్టీఆర్ మాస్ ఇమేజ్ను మరో లెవల్కు తీసుకెళ్లేలా ఈ సినిమా రూపుదిద్దుకుంటోంది. 2027లో ఈ చిత్రాన్ని ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు. త్వరలోనే బిమల్ ఒబెరాయ్ పాత్రకు సంబంధించిన మరిన్ని వివరాలు వెల్లడి కానున్నాయి.
