Dhurandhar 2: అసలైన ‘ధురందర్’ రణవీర్ కాదు.. సినిమాలో ఊహించని మలుపు.. అభిమానులు షాక్!

Dhurandhar 2: మల్టీ-స్టారర్ చిత్రం ‘ధురందర్-2’ ఇంటర్నెట్‌లో ప్రకంపనలు సృష్టిస్తోంది. ఈ సినిమా ఇప్పుడు అందరి నోళ్లలో నానుతోంది. ఆదిత్య ధర్ దర్శకత్వం వహించిన ‘ధురంధర్‌: ది రివేంజ్‌’ చిత్రంలో కరాచీ రాజకీయ నాయకుడు జమీల్ జమాలి పాత్రలో సీనియర్ నటుడు రాకేష్ బేడీ నటించారు. మొదటి భాగంలో అందరి దృష్టిని ఆకర్షించిన ఆయన, ఇప్పుడు ‘ధురందర్ 2’తో మరింత సంచలనం సృష్టించారు. తన పవర్‌ఫుల్ పెర్ఫార్మెన్స్‌తో దుమ్మురేపారు. ఈ చిత్రానికి అసలైన ‘ధురందర్’ రాకేష్ బేడీనే అని నెటిజన్లు కామెంట్స్ చేస్తున్నారు. రాకేష్‌ బేడీ పాత్ర ఈ రెండో భాగంలో అనూహ్యంగా మారింది. ఈ పాత్ర వైబ్‌ను చూసి అభిమానులు షాక్ అయ్యారు. నెగటివ్ షేడ్స్ ఉన్న పాత్రలో ఆయన పండించిన హ్యూమర్ (హాస్యం) క్యారెక్టర్‌కు మరింత బలాన్ని చేకూర్చింది. ఈ ఎక్స్ట్రార్డినరీ నటనను చూసిన నెటిజన్లు “సినిమాకు అసలైన హీరో రాకేష్‌ బేడీనే” అంటూ కామెంట్స్ చేస్తున్నారు.

READ MORE: Ravichandran Ashwin: “బుమ్రా తర్వాత భారత్ పరిస్థితి ఏంటి?” టీమిండియాకు అశ్విన్ బిగ్ వార్నింగ్..

అభిమానులేకాదు.. బాలీవుడ్ స్టార్ రణవీర్ సైతం ఇలాంటి వ్యాఖ్యలే చేయడం ఆసక్తికరంగా మారింది. ఒక పాడ్‌కాస్ట్‌లో రాకేష్‌ మాట్లాడుతూ.. తన షూటింగ్ చివరి రోజున రణవీర్ మైక్ తీసుకుని, “ఒకవేళ ఈ సినిమా 1000 కోట్లు వసూలు చేస్తే, అందులో 500 కోట్లు కేవలం రాకేష్‌ జీ వల్లే వస్తాయి” అని రణవీర్ ప్రకటించాడట. రణవీర్ లాంటి స్టార్ హీరో నుంచి అంతటి ప్రశంస దక్కడం ఒక క్యారెక్టర్ ఆర్టిస్ట్‌కు దక్కే అతిపెద్ద గౌరవంగా భావిస్తూ ఆయన ఉప్పొంగిపోయారు. మరోవైపు.. డైరెక్టర్ ఆదిత్య ధర్ సైతం రాకేష్ బేడీ నటనకు మంత్ర ముగ్దులైపోయారు. షూటింగ్ చివరి రోజున రాకేష్‌ భుజంపై చేయి వేసి, “సార్, మీ షూటింగ్ అయిపోతుందంటే నాకు కన్నీళ్లు వస్తున్నాయి, మిమ్మల్ని చాలా మిస్ అవుతాను” అని భావోద్వేగానికి గురయ్యారట. సెట్‌లో అంతటి సానుకూల వాతావరణం ఉంది కాబట్టే సినిమా ఇంత అద్భుతంగా వచ్చిందని రాకేష్‌ బేడీ ధీమా వ్యక్తం చేశారు.

READ MORE: CM Chandrababu: నాది దేవుడి దగ్గర ఒకటే సంకల్పం.. అమరావతి దేవతల రాజధాని అవ్వాలి!

ఇక రాకేష్ బేడీ (Rakesh Bedi) విషయానికి వస్తే.. భారతీయ సినీ, రంగస్థల, టెలివిజన్ రంగాల్లో సుపరిచితుడైన ఒక ప్రముఖ నటుడు. ముఖ్యంగా తన అద్భుతమైన హాస్య నటనకు (Comic timing) ఎంతో ప్రసిద్ధి చెందారు. 1979లో ‘హమారే తుమ్హారే’ సినిమాతో తన సినీ ప్రస్థానాన్ని ప్రారంభించారు. ఇప్పటివరకు దాదాపు 150కి పైగా చిత్రాల్లో నటించారు. ‘చష్మే బుద్దూర్’ (1981), ‘ఏక్ దూజే కేలియే’ (1981), ‘గదర్’ వంటి చిత్రాలు మంచి గుర్తింపు తెచ్చిపెట్టాయి. ఇక టీవీ సీరియల్స్‌లో పోషించిన పాత్రలు ఇంటింటికీ చేరువయ్యాయి. ‘యే జో హై జిందగీ’, ‘శ్రీమాన్ శ్రీమతి’, ‘యెస్ బాస్’ వంటి పాత సీరియల్స్‌తో పాటు, ప్రస్తుతం ‘భాభీజీ ఘర్ పర్ హైన్’, ‘తారక్ మెహతా కా ఊల్తా చష్మా’ వంటి పాపులర్ షోలలోనూ నటిస్తున్నారు.