Amruta Fadnavis: అమృతా ఫడ్నవీస్‌కు బెదిరింపులు.. మహిళా డిజైనర్‌పై కేసు నమోదు

Amruta Fadnavis: మహారాష్ట్ర డిప్యూటీ సీఎం దేవేంద్ర ఫడ్నవీస్ భార్య అమృతను బెదిరించి, లంచం ఇవ్వడానికి ప్రయత్నించారనే ఆరోపణలపై మహిళా డిజైనర్, ఆమె తండ్రిపై కేసు నమోదు చేసినట్లు ముంబై పోలీసులు తెలిపారు. తన తండ్రిపై దాఖలైన క్రిమినల్ కేసులో ఆ మహిళ జోక్యం కోరుతున్నట్లు అమృత పేర్కొన్నట్లు తెలిసింది. ఆ మహిళ అమృతతో 16 నెలలకు పైగా టచ్‌లో ఉన్నట్లు సమాచారం. అనిక్ష అనే డిజైనర్‌కు తనతో 16 నెలలకు పైగా పరిచయం ఉందని, కొన్ని సందర్భాల్లో తన ఇంటికి వెళ్లేవారని అమృత తన పోలీసు ఫిర్యాదులో పేర్కొంది.

Read Also: IPL: క్రికెట్‌ అభిమానులకు ముఖేష్‌ అంబానీ కానుక?

ముంబైలోని మలబార్ హిల్ పోలీస్ స్టేషన్‌లో నమోదు చేసిన ఎఫ్‌ఐఆర్ ప్రకారం.. అనిక్ష అమృత ఫడ్నవిస్‌కు కొంత మంది బుకీల సమాచారాన్ని అందించి, దాని ద్వారా డబ్బు సంపాదించగలరని, ఆపై నేరుగా తన తండ్రిని పోలీసు కేసు నుంచి తప్పించడానికి కోటి రూపాయలు లంచం ఇవ్వడానికి ప్రయత్నించినట్లు అమృత ఫిర్యాదు చేసింది. మహిళా డిజైనర్ అనిక్ష, ఆమె తండ్రిపై పోలీసులు కేసు నమోదు చేశారు. అయితే ఈ కేసులో ఇంకా ఎవరినీ అరెస్టు చేయలేదు.