Rebel Star : ‘కపుల్ ఫ్రెండ్లీ’ టీమ్ తో రెబల్ స్టార్ ఫన్ చాట్.. ప్రభాస్ లుక్ వైరల్

టాలీవుడ్‌లో ఇటీవల విడుదలైన చిన్న చిత్రాల్లో ‘కపుల్ ఫ్రెండ్లి’ మంచి హిట్ గా నిలిచింది. యంగ్ అండ్ టాలెంటెడ్ హీరో సంతోష్ శోభన్, అందాల భామ మానస వారణాసి జంటగా నటించిన ఈ ఫీల్ గుడ్ లవ్ స్టోరీకి ప్రేక్షకుల నుంచి మంచి స్పందన లభిస్తోంది. దర్శకుడు అశ్విన్ చంద్రశేఖర్ తెరకెక్కించిన ఈ చిత్రం బాక్సాఫీస్ వద్ద డీసెంట్ వసూళ్లను రాబడుతూ సక్సెస్‌ఫుల్‌గా దూసుకుపోతోంది.

 ఈ సినిమా సక్సెస్ జోరులో ఉండగానే, చిత్ర యూనిట్‌కు పాన్ ఇండియా స్టార్ ప్రభాస్ తోడవ్వడం విశేషం. ఇప్పటికే మేకర్స్ ఇచ్చిన హింట్‌తో ప్రభాస్ ఈ సినిమా ప్రమోషన్లలో భాగం కానున్నారని అందరూ ఊహించారు. అందుకు తగ్గట్టుగానే తాజాగా ఒక స్పెషల్ ఇంటర్వ్యూ ప్రోమో విడుదలై సోషల్ మీడియాలో వైరల్ అవుతోంది. ఈ ప్రోమోలో ప్రభాస్ ఎంతో చార్మింగ్ లుక్స్‌లో కనిపిస్తూ, చిత్ర యూనిట్‌తో ఎంతో సరదాగా ముచ్చటించడం అభిమానులను అలరిస్తోంది. ఈ ఇంటర్వ్యూలో కొన్ని ఫన్ మూమెంట్స్ హైలైట్‌గా నిలిచాయి. ముఖ్యంగా హీరోయిన్ మానస వారణాసి, ప్రభాస్‌ని ఉద్దేశించి “మీకు లవ్ అంటే ఏంటి?” అని అడగగా.. డార్లింగ్ తనదైన శైలిలో నవ్వుతూ “ఇది పర్సనల్ క్వశ్చన్” అంటూ బదులివ్వడం హైలెట్ గా నిలిచింది. ఈ స్పెషల్ ఇంటర్వ్యూకి సంబంధించిన పూర్తి వీడియో ఈ శనివారం రిలీజ్ చేయనుంది యూవీ క్రియేషన్స్. ప్రభాస్ వంటి స్టార్ హీరో సపోర్ట్ లభించడంతో ‘కపుల్ ఫ్రెండ్లి’ సినిమా వసూళ్లు మరిన్ని పెరిగే అవకాశం ఉందని ట్రేడ్ వర్గాలు విశ్లేషిస్తున్నాయి.

Also Read : HeyBalwanth : హే బలవంత్ ఓవర్సీస్ & ప్రీమియర్ రివ్యూ