రాబోయే ఎన్నికలకు పార్టీ యంత్రాంగాన్ని సమాయత్తపరిచే పనిలో పడ్డారు వైసీపీ అధినేత, సీఎం జగన్మోహన్ రెడ్డి. అందులో భాగంగా పార్టీ రీజినల్‌ కో-ఆర్డినేటర్లతో సమావేశం అయ్యారు ముఖ్యమంత్రి. పార్టీ పరంగా చేపట్టాల్సిన కార్యక్రమాలపై దిశానిర్దేశం చేశారు. ఎన్నికలకు సంవత్సరం మాత్రమే సమయం ఉంది.
పార్టీ రీజినల్‌ కో-ఆర్డినేటర్లుగా మీరు ఓనర్‌షిప్‌ తీసుకోవాలి.మీకు అప్పగించిన వివిధ జిల్లాల్లో పార్టీ నేతలను బలోపేతం చేయాల్సిన బాధ్యత మీదే. ఎక్కడైనా లోటుపాట్లు ఉంటే.. వాటిని సరిదిద్ది అందర్నీ ఒక్కతాటిపైకి తీసుకురావాలి.అంతిమంగా మన అభ్యర్థులకు మంచి మెజార్టీలు రావాలి. ఆ లక్ష్యంతోనే పని చేయాలి.
Read Also:Shahjahanpur: వేధింపుల కేసుతో ప్రతీకారం.. మహిళ ముక్కును కోసిన వ్యక్తి
పార్టీ సమన్వయ కర్తలుగా మీరు నాతో ఏ విషయాన్నైనా చర్చించండి. ఎప్పుడైనా నన్ను కలవవచ్చు. పార్టీ పరంగా మీరు నాకు టాప్‌ టీం.సచివాలయ కన్వీనర్ల రూపంలో, గృహసారథుల రూపంలో కింద చక్కటి యంత్రాంగం ఉంది.వాలంటీర్లను వారితో మమేకం చేయాలి.ఈ యంత్రాంగాన్ని చురుగ్గా పని చేయించడానికి, క్రియాశీలకంగా ఉండడానికి కార్యక్రమాలను నిర్దేశించాం. ఆ కార్యక్రమాలన్నీ సజావుగా, సమర్థవంగా ఆయా నియోజకవర్గాల్లో నడిచేలా మీరు పర్యవేక్షణ, సమన్వయ బాధ్యతలు స్వీకరించండి. మీరు, నేను, పార్టీ యంత్రాంగం అంతా కలిసి ముందుకు సాగాలి అని ఉద్బోధించారు సీఎం జగన్.
Read Also: Covid Cases: మహారాష్ట్రలో కరోనా కల్లోలం… 24 గంటల్లో నలుగురు మృతి