Vijayawada Floods : బుడమేరు కాలువ, కృష్ణానది కారణంగా విజయవాడలో వరదలు ఎన్నడూ లేనంతగా అజిత్ సింగ్ నగర్, న్యూ రాజరాజేశ్వరిపేట, నున్న, పాయకాపురం, ప్రస్తుతం రామలింగేశ్వరనగర్, భవానీ పురంలపై ప్రభావం చూపుతున్నాయి. సోమవారం ఈ ప్రాంతాలు నీట మునిగాయి, వేలాది మంది నివాసితులు నిరాశ్రయులయ్యారు. సోమవారం తెల్లవారుజామున కృష్ణానది నుంచి వరదనీరు ప్రవహించడంతో రామలింగేశ్వరనగర్‌లోని ఇళ్లలోకి ప్రహరీ గోడలు విరిగిపడ్డాయి. ఆరు అడుగుల మేర నీరు చేరడంతో పోలీస్ కాలనీతోపాటు చుట్టుపక్కల రోడ్లపైకి నీరు చేరింది. అయితే.. ఈ నేపథ్యంలోనే వరద ప్రాంతాల్లో సీఎం చంద్రబాబు నేడు ఏరియల్‌ వ్యూ చేయనున్నారు. అయితే.. ఆదివారం సాయంత్రం నుంచి యుద్ధప్రాతిపదికన రెస్క్యూ, రిలీఫ్‌ ఆపరేషన్స్‌ను చేపట్టిన రాష్ట్ర ప్రభుత్వం వీలైనంత ఎక్కువ కుటుంబాలకు సాయం అందించేందుకు ప్రయత్నాలను మరింత ముమ్మరం చేసింది.
అవసరమైన వారికి మందులు అందజేస్తోంది. అయితే.. విపత్తు నిర్వహణలో నైపుణ్యం ఉన్న ముఖ్యమంత్రి ఎన్ చంద్రబాబు నాయుడు 3 లక్షల మందికి పైగా ఆహార ప్యాకెట్లు, పాలు, నీరు, మందులను సరఫరా చేసేలా అన్ని వనరులను సమీకరించడంలో విజయం సాధించారు. కలెక్టరేట్‌లోనే మకాం వేసిన చంద్రబాబు నాయుడు, ఎస్పీజీ సలహాకు విరుద్ధంగా పడవలు, జేసీబీల ద్వారా అధ్వాన్నమైన ప్రాంతాలైన సింగ్ నగర్, నందమూరి నగర్ తదితర లోతట్టు ప్రాంతాలను పదే పదే సందర్శిస్తున్నారు. తెల్లవారుజామున 2.30 గంటల ప్రాంతంలో కూడా వరద నీటిలో చిక్కుకుపోయిన ప్రజలలో ఆత్మవిశ్వాసం నింపేందుకు ముఖ్యమంత్రి ఆయా ప్రాంతాలను చుట్టి వచ్చి ఫీడ్‌బ్యాక్ ఆధారంగా తరచూ సమీక్షా సమావేశాలు నిర్వహిస్తూ పంపిణీ వ్యవస్థను, రెస్క్యూ కార్యకలాపాలను చక్కదిద్దుతున్నారు. మంగళవారం నాటికి పరిస్థితి మెరుగుపడే అవకాశం ఉందని అధికారులు చెబుతున్నారు.