CSK vs RR: రాజస్థాన్ తో చెన్నై సూపర్ కింగ్స్ కీలక పోరు.. గెలిస్తేనే ప్లేఆఫ్స్..!

Chennai Super Kings and Rajasthan Royals: ఐపీఎల్ 2024 17వ సీజన్‌లో రాజస్థాన్ రాయల్స్ తో చెన్నై సూపర్ కింగ్స్ తలపడబోతుంది. రెండు జట్ల మధ్య ఇవాళ మధ్యాహ్నం 3:30 గంటలకు చెన్నైలోని చిదంబరం స్టేడియంలో జరగనుంది. చెన్నైలోని ఎం చిదంబరం క్రికెట్ స్టేడియంలో చెన్నై సూపర్ కింగ్స్, రాజస్థాన్ రాయల్స్ మధ్య మ్యాచ్ జరగనుంది. సీఎస్కే గ్రౌండ్‌లో స్పిన్ బౌలర్లు ఆధిపత్యం చెలాయిస్తున్నారు. ఈ మైదానంలో ఉపరితలం నెమ్మదించడం వల్ల స్పిన్నర్లకు మంచి సహాయం అందుతుంది. కాగా, ఈ స్టేడియంలో ఇప్పటి వరకు 81 ఐపీఎల్ మ్యాచ్‌లు జరిగాయి.

Read Also: Right to Vote: ఓటు వేసే సమయంలో ఇలాంటి పనులు చేస్తే.. జైలుకే..!

ఇక, ఐపీఎల్ చరిత్రలో ఇప్పటివరకు చెన్నై సూపర్ కింగ్స్, రాజస్థాన్ రాయల్స్ మధ్య 28 మ్యాచ్‌లు జరిగాయి. అందులో చెన్నై 15 గెలిచింది. రాజస్థాన్ 13 మ్యాచ్‌ల్లో విజయం సాధించాయి. ఈసారి కూడా చెన్నై జట్టు రాజస్థాన్‌పై గెలిచి ప్లేఆఫ్స్ అవకాశలను మెరుగుపర్చుకోవాలని చూస్తుంది. గత మ్యాచ్ లో గుజరాత్ టైటాన్స్ చేతిలో 35 పరుగుల తేడాతో ఓటమి పాలైన సీఎస్కే.. ఈ మ్యాచ్ లో తప్పకుండా విజయం సాధించాలనే పట్టుదలతో ఉంది. అలాగే, చెన్నైపై విజయం సాధించి నేరుగా ప్లేఆఫ్స్ కు వెళ్లాలని రాజస్థాన్ రాయల్స్ భావిస్తుంది.

Read Also: Ashok Gehlot: ఈసీ తీరుపై మండిపడ్డ రాజస్థాన్ మాజీ సీఎం అశోక్ గెహ్లాట్

అయితే, ఈ సీజన్‌లో చెన్నై జట్టు 12 మ్యాచ్‌లు ఆడింది. 6 మ్యాచ్‌ల్లో విజయాన్ని నమోదు చేసి పాయింట్ల పట్టికలో నాలుగో స్థానంలో కొనసాగుతుండగా.. ఇక, రాజస్థాన్ జట్టు 11 మ్యాచ్‌లు ఆడింది. అందులో 8 మ్యాచ్‌ల్లో విజయాన్ని నమోదు చేసి రెండో స్థానంలో నిలిచింది. మిగిలిన వాటిలో ఓటమిని చవిచూశారు. ఓవరాల్ గా ఈసారి ఐపీఎల్ మ్యాచ్ లో ఇరు జట్ల ఆటతీరు బాగానే ఉంది. ఈరోజు కూడా విజయం సాధించి పాయింట్ల పట్టికలో తమ స్థానాన్ని పదిలం చేసుకునేందుకు రెండు జట్లు శాయశక్తులా ప్రయత్నిస్తున్నాయి.