Chava Movie : ‘ఛవా’ షూటింగ్‌ కంప్లీట్..మహారాణిగా రష్మిక మందన్న…

నేషనల్ క్రష్ రష్మిక మందన్నకు యూత్ లో క్రేజ్ ఉంది.. టాలీవుడ్ లో వరుస సినిమాలు చేస్తూనే మరోవైపు బాలీవుడ్ లో సక్సెస్ ఫుల్ సినిమాల్లో నటిస్తూ బిజీగా ఉంది. తాజాగా యానిమల్ సినిమాలో నటించింది.. ఆ సినిమా భారీ విజయాన్ని అందుకుంది.. దాంతో అమ్మడు కు డిమాండ్ కూడా పెరిగింది. గ్లామరస్‌ రోల్‌తో ఆకట్టుకున్న ఆమె ప్రస్తుతం తన చేతిలో ఉన్న ప్రాజెక్టులను పూర్తి చేసే పనిలో ఉంది..

ప్రస్తుతం రష్మిక బాలీవుడ్ లో నటిస్తున్న లేటెస్ట్ మూవీ ‘ఛవా’ మూవీ షూటింగ్‌ను కంప్లీట్ చేసింది.రష్మిక మందన్న 22 వ చిత్రంగా ఈ సినిమా రూపొందింది.. బాలీవుడ్ స్టార్ హీరో విక్కీ కౌశల్‌ హీరోగా నటిస్తున్న ఈ చిత్రానికి లక్ష్మణ్ ఉటేకర్ దర్శకత్వం వహిస్తున్నాడు. షూట్ పూర్తయిన సందర్భం గా మూవీ టీమ్‌పై ప్రేమను కురిపిస్తూ ఇన్‌స్టాగ్రామ్‌లో పోస్ట్ పెట్టింది.. ఆ పోస్ట్ ప్రస్తుతం సోషల్ మీడియాలో తెగ వైరల్ అవుతుంది..

ఆ పోస్ట్ లో.. డైరెక్టర్ లక్ష్మణ్, ప్రొడ్యూసర్ దినేష్ ఇచ్చిన సపోర్ట్ మర్చిపోలేనని, విక్కీ కౌశల్ రత్నం లాం టి వాడని చెప్పింది. ఇదొక పీరియాడికల్ డ్రామా. ఛత్రపతి శివాజీ మహారాజ్‌ పెద్దకుమారుడు ఛత్రపతి శంభాజీ పాత్రలో విక్కీ కౌశల్‌ నటిస్తుండగా, శంభాజీ భార్య ఏసుభాయ్‌ భోంసాలే పాత్రలో రష్మిక కనిపించనుంది. రాజ్య పాలనలో సింహాభాగపు వ్యవహారాలన్నీ చక్కదిద్దే ఏసుభాయ్‌కి ఛత్రపతి మహారాణి అని పేరు ఉంది.. అలాంటి పవర్ ఫుల్ పాత్రలో నటించడం చాలా హ్యాపిగా ఉంది అంటూ సంతోషాన్ని వ్యక్తం చేసింది.. ఇక తెలుగులో ఆమె సినిమాల విషయానికొస్తే.. పుష్ప2, రెయిన్ బో, ది గర్ల్ ఫ్రెండ్ చిత్రాల్లో రష్మిక నటిస్తోంది. మరికొన్ని ప్రాజెక్టులను కూడా లైన్ లో పెట్టింది..