Cattle Care In Winter : చలికాలంలో దూడల సంరక్షణలో తీసుకోవాల్సిన జాగ్రత్తలు..

చలికాలం వచ్చేసింది.. చలి తీవ్రత క్రమంగా పెరుగుతుంది.. చలి కేవలం మనుషులకు మాత్రమే కాదు, జంతువులకు కూడా చలి ఉంటుంది.. దాంతో అనారోగ్యానికి కూడా గురవుతాయి.. అంతేకాదు ఎన్నో మార్పులు కూడా వస్తాయి.. దూడలను విపరీతమైన చలి, చలి గాడ్పుల నుంచి కాపాడుకోవడానికి వెచ్చని నివాస వసతిని కల్పించాలి. ముఖ్యంగా రాత్రిపూట దూడలను షెడ్ల లోనే ఉంచాలి. పాకలకు ఇరువైపులా గోనె పట్టాలను వేలాడ దీయాలి. పాకల్లో నేలపై రాత్రిపూట వరిగడ్డిని పరిచినట్లయితే వెచ్చగా ఉంటుంది.. ఇక పశువులను వెచ్చగా ఉంచేందుకు రూమ్ హీటర్లను ఏర్పాటు చెయ్యాలి.. అప్పుడే టెంపరేచర్ సరిపోతుంది..

అంతేకాదు రూమ్ టెంపరేచర్ పెంచడంతో పాటు దూడల ఆరోగ్యం విషయంలో కాస్త జాగ్రత్త తీసుకోవాలి.. ఆవుదూడ శరీర బరువులో పదోవంతు పాలను, గేదె దూడలకు పదిహేనవ వంతు పాలను తాగించాలి. రెండు నెలల వయస్సు గల దూడలకు ప్రత్యేకంగా తయారు చేసిన కాప్ స్టార్టర్ను దాణాగా ఇవ్వాలి. దూడ లకు మొదటి మూడు నెలలు మాత్రమే పాలను తాగించాలి.. ఆ తర్వాత తగ్గిస్తూ రావాలి.. ఆ తర్వాత ఎక్కువగా పచ్చి గడ్డి, ఎండుగడ్డి తో పాటు ఆరోగ్యకరమైన ఆహారాన్ని కూడా ఇవ్వాలి..

దూడలకు దాణా ఇవ్వడం చాలా మంచిది.. దాణాలో ఎన్నో పోషకాలు ఉంటాయి.. ఆరోగ్యంగా ఉండి శరీర బరువు పెరుగుతుంది. దూడల దాణాలో రెండు శాతం ఖనిజ లవణ మిశ్రమాన్ని, ప్రతి 100 కిలోల దాణాలో 10 గ్రా. విటమిన్ ఎ, డి లను కలపాలి. దూడలకు ఖనిజ లవణ మిశ్రమాన్ని ఇవ్వడం వల్ల అవి ఆరోగ్యంగా ఉండటం తో త్వరగా బరువును కూడా సకాలం లో పెరుగుతాయి.. చలికాలంలో న్యూమోనియా వ్యాధిసోకే ప్రమాదం ఉంది.. దూడలు బొడ్డువాపు, విరేచనాలు, కడుపుబ్బడం వంటి వ్యాధులు వచ్చే అవకాశం ఎక్కువగా ఉంటుంది.. ఆ వ్యాధులను వెంటనే గుర్తించి డాక్టర్ల సలహాలను తీసుకోవడం మంచిది..