టాలీవుడ్లో గీతా ఆర్ట్స్ 2 బ్యానర్పై వరుస విజయాలు అందుకుంటున్న నిర్మాత బన్నీ వాస్, తాజాగా ఇతర భాషల నుంచి వచ్చే నిర్మాతలకు ఒక కీలకమైన సూచన చేశారు. టొవినో థామస్ హీరోగా వస్తున్న ‘పల్లిచట్టంబి’ మూవీ అప్డేట్ సందర్భంగా ఆయన మాట్లాడుతూ.. తెలుగులో సినిమా నిర్మించడం అనేది అంత తేలికైన విషయం కాదని కుండబద్దలు కొట్టారు.
Also Read : Biker-Rakasa: ‘బైకర్’, ‘రాక్షస’లకు లైన్ క్లియర్!
‘మలయాళంలో సినిమా నిర్మించడం వేరు, తెలుగులో సినిమా నిర్మించడం వేరు. ఇక్కడి మార్కెట్, ఖర్చులు, ప్రేక్షకుల అభిరుచులు చాలా భిన్నంగా ఉంటాయి. తెలుగులో సినిమా చేయడానికి కంగారు పడకండి’ అని బన్నీ వాస్ నిర్మాతలకు సూచించారు. ఒక అనుభవం ఉన్న నిర్మాతగా తాను ఈ మాట చెబుతున్నానని, ఇక్కడ అడుగు వేసేటప్పుడు చాలా జాగ్రత్తగా, పక్కా ప్లానింగ్తో ఉండాలని ఆయన హెచ్చరించారు. ముఖ్యంగా బడ్జెట్ నియంత్రణ, ప్రమోషన్ల విషయంలో తెలుగు ఇండస్ట్రీకి ఉన్న ప్రత్యేకతలను ఆయన గుర్తు చేశారు. కాగా బన్నీ వాస్ చేసిన ఈ కామెంట్స్ చూస్తుంటే.. టాలీవుడ్లోకి వస్తున్న కొత్త మేకర్లకు ఆయన ఒక ‘గైడ్’లా చేస్తున్నట్లు అనిపిస్తోంది. టొవినో థామస్ కు తెలుగులో ఉన్న క్రేజ్ దృష్ట్యా ‘పల్లిచట్టంబి’ని ఇక్కడ భారీగా విడుదల చేసేందుకు ప్లాన్ చేస్తున్నారు. మరి బన్నీ వాస్ ఇచ్చిన ఈ సలహాను కొత్త నిర్మాతలు ఎంతవరకు తీసుకుంటారో చూడాలి.