BSNL Recharge Plan 2023: 397కే 150 రోజుల వ్యాలిడిటీ.. 2GB డైలీ డేటా, అపరిమిత కాలింగ్!

Get 2 GB Daily Data and Unlimited Calls in BSNL Rs 397 Plan: ప్రభుత్వరంగ టెలికాం సంస్థ భారత్‌ సంచార్‌ నిగమ్‌ లిమిటెడ్‌ (బీఎస్ఎన్ఎల్) తమ కస్టమర్లను ఆకర్షించడానికి నిత్యం సరికొత్త ప్లాన్‌లను అందిస్తూనే ఉంది. ప్రస్తుతం టెలికాం రంగంను ఏలుతున్న ఎయిర్‌టెల్‌, జియోలకు దీటుగా బీఎస్ఎన్ఎల్ ఆఫర్లను ప్రకటిస్తూ వస్తోంది. ఈ క్రమంలోనే మరో సూపర్ రీఛార్జ్ ప్లాన్‌ను తీసుకొచ్చింది. రూ. 397తో 150 రోజుల వ్యాలిడిటీని అందిస్తోంది. సుదీర్ఘ వ్యాలిడిటీ కోరుకునే వారికి ఈ ప్లాన్ బాగా నచ్చుతుంది.

తన కస్టమర్ల కోసం బీఎస్ఎన్ఎల్ రూ. 397 బెస్ట్ ప్లాన్‌ను తాజాగా తీసుకువచ్చింది. ఈ ప్లాన్ వ్యాలిడిటీ 150 రోజులు. అంటే 5 నెలలు. ఈ ప్లాన్‌లో కస్టమర్‌లకు ప్రతిరోజు 2GB డేటా, అపరిమిత వాయిస్ కాల్‌లు, ప్రతిరోజూ 100 ఎస్‌ఎమ్‌ఎస్‌లు లభిస్తాయి. అయితే ఈ ప్రయోజనాలు కేవలం 30 రోజులు మాత్రమే ఉంటాయి. అయితే ఈ రీఛార్జ్ వాలిడిటీ మాత్రం 150 రోజుల పాటు కొనసాగుతుంది. ఇంత తక్కువ ధరలో ఇంత చెల్లుబాటు ప్లాన్ మరేదాంట్లో లేదనే చెప్పాలి.

Also Read: Asia Cup 2023: నేపాల్‌తో మ్యాచ్.. పాకిస్తాన్‌ తుది జట్టు ఇదే! డబుల్‌ సెంచరీ ప్లేయర్ ఆయేగా

రెండు సిమ్‌లు వాడుతున్న వారికి బీఎస్ఎన్ఎల్ రూ. 397 ప్లాన్‌ బాగా ఉపయోగపడుతుంది. సెకండ్ సిమ్ వ్యాలిడిటీని ఎక్కువకాలం పొడిగించుకోవడం కోసం ఈ ప్లాన్‌ను ఎంచుకోవచ్చు. లేదా ఎక్కువ డేటా, కాలింగ్ అవసరం లేకపోతే.. మీరు ఈ ప్లాన్‌ని యాక్టివేట్ చేయవచ్చు. 150 రోజుల వ్యాలిడిటీ కోసం బీఎస్‌ఎన్‌ఎల్ కంటే ఇతర టెలికాం సంస్థల రీఛార్జ్ ఎక్కువగానే ఉన్నాయి.