Brazil President: బ్రెజిల్‌ కొత్త అధ్యక్షుడిగా లులా డ సిల్లా

Brazil President: బ్రెజిల్‌ దేశ కొత్త అధ్యక్షుడిగా మూడోసారి లులా డ సిల్లా ప్రమాణ స్వీకారం చేశారు. ఇటీవల జరిగిన ఎన్నికల్లో జైర్‌ బోల్సోనారోపై లులా డ సిల్లా మెజార్టీ సాధించారు. లులా డ సిల్వా 2003-2010 మధ్య రెండుసార్లు అధ్యక్షుడిగా ఉన్నారు. కాగా లులా డ సిల్వా గెలిచినప్పటి నుంచి బోల్సోనారో మద్దతుదారులు దేశంలోని పలు ప్రాంతాల్లో అల్లర్లు చేపట్టారు. తమ అభిమాన నాయకుడి ప్రమాణాన్ని వీక్షించేందుకు ఆయన మద్దతుదారులు పెద్ద సంఖ్యలో వేదిక వద్దకు తరలివచ్చారు. ఈ పరిస్థితుల్లో లులా డ సిల్వా ప్రమాణ స్వీకారోత్సవ కార్యక్రమానికి భారీ భద్రత కల్పించారు. లులా డ సిల్వా పూర్తి పేరు లూయిజ్ ఇనాసియో లులా డ సిల్వా. ఈయన వామపక్ష నేత. లూయిజ్ ఇనాసియో లులా డ సిల్వా మూడోసారి బ్రెజిల్‌కు ప్రమాణ స్వీకారం చేశారు. అతను బ్రెజిల్ దేశానికి చెందిన వాడు.

Read Also: Harish Rao: తెలంగాణకు కేంద్రం ఒక్క మెడికల్ కాలేజ్ కూడా ఇవ్వలేదు

అధ్యక్ష ఎన్నికల్లో లూయిజ్ ఇనాసియో లులా డ సిల్వా చేతిలో జైర్ బోల్సోనారో ఓటమి పాలయ్యారు. చాలా కాలంగా బోల్సోనారో తన ఓటమిని అంగీకరించలేదు. లూలా డ సిల్వా ప్రమాణ స్వీకారం కార్ కవాతు, సంగీత ప్రదర్శన, వర్కర్స్ పార్టీ (పిటి) సభ్యుని ప్రసంగంతో ప్రారంభమైంది. జైర్ బోల్సోనారో మద్దతుదారుల నుండి హింసాత్మక బెదిరింపులు నివేదించబడిన నేపథ్యంలో గట్టి భద్రత మధ్య ఈ కార్యక్రమం జరిగింది. అనంతరం ప్రజలనుద్దేశిన ప్రసంగంలో బ్రెజిల్‌ను పునర్నిర్మిస్తామని సభలో లూలా తెలిపారు. ఇటీవలి సంవత్సరాలలో ఈ దేశం కోల్పోయిన వాటిని పునర్నిర్మించడానికి, మేము మా ప్రయత్నాలన్నింటినీ నిర్దేశించబోతున్నామన్నారు. పేద బ్రెజిలియన్ల జీవితాన్ని మెరుగుపరిచేందుకు పోరాడుతూ జాతి, లింగ సమానత్వం కోసం పని చేస్తానని లూలా సిల్వా హామీ ఇచ్చారు. ద్వేషానికి ప్రేమతో, అబద్ధాలకు నిజంతో, ఉగ్రవాదానికి, హింసకు చట్టంతో సమాధానం ఇస్తామని అన్నారు.