Bihar : 40 మంది మహిళలకు ఒక్కడే భర్త

40 మంది మహిళలకు ఒక్కడే భర్తట.. వారి పిల్లలకు అతనే తండ్రికూడనట.. ఒకే ప్రాంతానికి చెందిన 40 మంది మహిళలు చెప్పింది విన్న అధికారులు షాక్ కు గురయ్యారు. బీహార్ లోని అర్వాల్ లోని వార్డు నంబర్ 7లో 40 మంది మహిళలు తమ భర్త పేరును రూప్ చంద్ అని చెప్పారు. దీనిపై అధికారులు ఆరా తీయగా.. అసలు విషయం తెలిసి షాక్ అయ్యారు. దీనికి సంబంధించిన ఫోటో ఒకటి సోషల్ మీడియాలో వైరల్ గా మారింది. అర్వాల్ లోని వార్డ్ నంబర్ 7లో సెక్స్ వర్కర్లు ఎన్నో ఏళ్లుగా నివసిస్తున్నారు. బీహార్ లో ప్రస్తుతం రెండో దశ కులగణన జరుగుతున్న క్రమంలో ప్రభుత్వ అధికారులు అర్వాల్ లోని వార్డు నంబర్ 7కు వచ్చారు. వివరాలు సేకరిస్తున్నారు. దీంతో భాగంగా ప్రతీ ఇంటికి వెళ్లి కులం, విద్య, ఆర్థిక స్థితి, కుటుంబ స్థితిగతులు వంటి వివరాలు సేకరిస్తున్నారు.

Also Read : CM JaganMohanReddy: సూడాన్ బాధితులకి అండగా నిలబడదాం

దీంతో రెడ్ లైట్ ఏరియాకు వచ్చిన అధికారులు వివరాలు సేకరిస్తుండగా.. అక్కడ నివసించే 40 మంది మహిళలు.. తమ భర్త పేరు రూప్ చంద్ అని చెప్పారు. వీరిలో చాలా మంది వారి పిల్లలకు తండ్రి రూప్ చంద్ అనే చెప్పారు. దీంతో అధికారులు ఆశ్చర్యానికి గురయ్యారు. ఇదేదో తేడాగా ఉందని భావించిన అధికారులు ఆరా తీశారు. అయితే ఇంతకీ ఎవరీ రూప్ చంద్ ఆరా తీసిన అధికారులకు రూప్ చంద్ అంటే డబ్బు అని తెలిసింది. దీంతో వారు కంగుతిన్నారు. పాటలు పాడుతు.. డ్యాన్సులు చేస్తూ జీవనం సాగించే అక్కడి మహిళలు రూపాయనే సర్వసంగా భావిస్తారంటా.. ఆ రూపాయి కోసమే ఆడతారు.. పాడతారు తమ బిడల్ని బతికించడానికి జీవించడానికి సెక్స్ వర్కర్లుగా పనిచేస్తున్నారు. అలాంటి రూపాయే తమకు భర్తగా భావించుకున్నారు. అలా అందరు కలిసి తమ భర్త పేరు రూప్ చంద్ అని చెప్పారట. మేమంతా కలిసి మెలిసి జీవిస్తున్నామని ఒకరికీ కష్టమెస్తే మరొకరు అండగా ఉంటామని మాకు కులాలు మతాలు తెలియవని వారు చెప్పుకొచ్చారు. అక్కడి వివరాలు తెలుసుకున్న అధికారులు కూడా అదే చెబుతున్నారు.

Also Read : Smart Phone Tips : మీ స్మార్ట్ ఫోన్ నీళ్లలో తడిసిందా.. అయితే ఇలా చేయండి