నట సింహం నందమూరి బాలయ్య హీరోగా నటిస్తున్న లేటెస్ట్ మూవీ భగవంత్ కేసరి. ఈ మూవీ కోసం బాలయ్య అభిమానులు మరియు ప్రేక్షకులు ఎంతో ఆసక్తిగా ఎదురుచూస్తున్నారు. ఈ చిత్రం నుండి ఇప్పటికే విడుదల అయిన టీజర్ సినిమాపై అంచనాలు పెంచేసింది.ఈ చిత్రానికి డైరెక్టర్ అనిల్ రావిపూడి ఎంతో గ్రాండ్ గా తెరకెక్కిస్తున్నాడు… భగవంత్ కేసరి చిత్రంలో బాలకృష్ణ సరసన కాజల్ అగర్వాల్ హీరోయిన్గా నటిస్తున్నారు. ఈ చిత్రంలో బాలయ్య కూతురి పాత్రను శ్రీలీల చేస్తున్నారని సమాచారం. అర్జున్ రాంపాల్ ఈ సినిమాలో కీలకపాత్ర పోషిస్తున్నారు. షైన్ స్క్రీన్ బ్యానర్పై సాహు గారపాటి, హరీశ్ పెద్ది ఈ చిత్రాన్ని ప్రొడ్యూజ్ చేస్తున్నారు.ఫుల్ మాస్ యాక్షన్ మూవీ గా భగవంత్ కేసరి తెరకెక్కింది.టీజర్లో తెలంగాణ యాసలో బాలకృష్ణ చెప్పిన డైలాగ్లు ప్రేక్షకులను ఎంతగానో ఆకట్టుకున్నాయి. కాగా, భగవంత్ కేసరి మూవీ రిలీజ్ వాయిదా పడుతుందనే ఇటీవల రూమర్లు బాగా వచ్చాయి. అయితే తాజాగా అనుకున్న సమయానికే ఈ మూవీ వస్తుందని తెలుస్తుంది.
భగవంత్ కేసరి చిత్రాన్ని అక్టోబర్ 19వ తేదీన రిలీజ్ చేయనున్నట్టు చిత్ర యూనిట్ గతంలోనే ప్రకటించింది. అయితే, ఆంధ్రప్రదేశ్లో ఏర్పడిన రాజకీయ పరిణామాల వల్ల బాలకృష్ణ పొలిటికల్ గా బిజీగా ఉండటంతో ఈ సినిమా విడుదల వాయిదా పడుతుందంటూ కొన్ని రూమర్స్ తెగ వైరల్ అయ్యాయి.అయితే, అక్టోబర్ 19వ తేదీనే భగవంత్ కేసరిని రిలీజ్ చేసేలా మూవీ యూనిట్ ప్లాన్ చేస్తున్నట్లు సమాచారం.మరో మూడు రోజుల్లో భగవంత్ కేసరి సినిమా షూటింగ్ పూర్తవుతుందని తెలుస్తోంది. ఇప్పటికే ఈ సినిమాకు సంబంధించి ఫస్ట్ హాఫ్ ఎడిటింగ్ కూడా పూర్తయినట్లు సమాచారం. ప్రస్తుతం ఫస్ట్ హాఫ్ బ్యాక్గ్రౌండ్ మ్యూజిక్ పనులను సంగీత దర్శకుడు ఎస్ఎస్ థమన్ పూర్తి చేస్తున్నారు.. మొత్తంగా ముందు ప్రకటించిన విధంగానే భగవంత్ కేసరి మూవీ దసరా మూవీ అక్టోబర్ 19న రిలీజ్ కావడం ఖాయంగా కనిపిస్తోంది
