Auto Driver: ఐటీ ఉద్యోగులు ఈర్ష్య పడేలా.. నెలకు రూ. 2-3 లక్షలు సంపాదిస్తున్న ఆటో డ్రైవర్.. ప్రయాణికుడి పోస్టు వైరల్

ఆటో డ్రైవర్లు అరకొర రాబడితో ఇబ్బందులు ఎదుర్కొంటుంటారు. ఈఎంఐలు కట్టలేక, కుటుంబాన్ని పోషించుకోలేక సతమతమవుతుంటారు. పొద్దంతా ఆటో నడిపినా వెయ్యి రూపాయలు రావడం కూడా కష్టమే అవుతుంది. కానీ ఇప్పుడు చెప్పుకోబోయే ఆటో డ్రైవర్ మాత్రం దీనికి భిన్నం. ఎందుకంటే ఆ ఆటో డ్రైవర్ ఐటీ ఉద్యోగులు సైతం ఈర్ష్య పడేలా సంపాదిస్తున్నాడు. ఆటోలో ప్రయాణించిన ఓ ప్రయాణికుడు ఆటో డ్రైవర్ తన ఆదాయం గురించి చెప్పడంతో షాక్ కు గురయ్యాడు. ఈ విషయాన్నంతా ఎక్స్ లో పంచుకున్నాడు.

Also Read:Georgia Protests 2025: జార్జియాలో నిరసనలకు రష్యాకు సంబంధం ఏంటి?.. ఆ దేశంలో ఏం జరుగుతుంది!

బెంగళూరులో ఒక సాధారణ ఆటోరిక్షా ప్రయాణం ఇంజనీర్ ఆకాష్ ఆనందానికి కళ్ళు తెరిపించేలా చేసింది. అక్టోబర్ 4న, ఆకాశ్ ఆనందాని ఒక ఆటో ఎక్కాడు. ఆ ఆటో డ్రైవర్ ఆపిల్ వాచ్, ఎయిర్‌పాడ్‌లను వాడుతున్నట్లు గుర్తించాడు. ఈ క్రమంలో ఆటో డ్రైవర్ తో మాట్లాడడం ప్రారంభించానని చెప్పాడు. రూ. 4-5 కోట్ల విలువైన రెండు ఇళ్లకు ఓనర్ నని, నెలవారీ అద్దె ఆదాయం రూ. 2-3 లక్షలు, అదనంగా AI స్టార్టప్‌లో వాటాలు కలిగి ఉన్నానని ఆటో డ్రైవర్ చెప్పినట్లు తెలిపాడు. అతను వారాంతాల్లో డ్రైవ్ చేస్తాడని, దానిని తన మొదటి ఉద్యోగంగా భావిస్తాడని ఆకాశ్ తెలిపాడు.

Also Read:Unclaimed Deposits: రూ. 1.84 లక్షల కోట్ల క్లెయిమ్ చేయని డబ్బును పంపిణీ చేసేందుకు ప్రభుత్వం రెడీ.. ఇలా క్లెయిమ్ చేసుకోండి

“ఆటో వాలా భయ్యా తనకు 4-5 కోట్ల విలువైన 2 ఇళ్ళు ఉన్నాయని, అద్దెకు నెలకు 2-3 లక్షల వరకు సంపాదిస్తున్నానని, AI ఆధారిత స్టార్టప్ బ్రూలో స్టార్టప్ వ్యవస్థాపకుడు / పెట్టుబడిదారుడని చెప్పాడు” అని ఆనందాని X లో ఒక పోస్ట్‌లో రాసుకొచ్చాడు. ఈ పోస్ట్ క్షణాల్లోనే వైరల్ గా మారింది. నెటిజన్స్ స్పందిస్తూ.. “బెంగళూరు స్టార్టప్ రాజధాని కావడానికి ఇదే కారణం – ఆటో డ్రైవర్లు కూడా పెట్టుబడిదారులే!” అని ఒకరు కామెంట్ చేయగా, మరొకరు “ఇది బాలీవుడ్ సినిమా నుండి వచ్చిన స్క్రిప్ట్ లాగా ఉంది” అని చమత్కరించారు. అయితే, ఆనందాని ఆ కథ నిజమేనని నొక్కి చెప్పాడు.

Bangalore is fucking crazy the auto wala bhaiya said he has 2 houses worth 4-5 crs 😭 both on rent earns close to 2-3 lakhs per month , and is a startup founder / investor in a ai based startup bruh 😭😭😭

— Akash Anandani (@Kashh56) October 4, 2025